ரயில்வே 'கேன்டீன்' இட்லியில் வண்டு

கோவை ரயில்வே கேன்டீனில் வாங்கிய இட்லியில், வண்டு இருந்தது குறித்து, பாதிக்கப்பட்ட நபர் புகார் அளித்தார்.தஞ்சை நாஞ்சிக்கோட்டையைச் சேர்ந்தவர் ராஜசேகர்; பந்தல் ஒப்பந்ததாரர். இவரது மனைவி கலைச்செல்வி. இவர்கள் இருவரும், மே 6ம் தேதி காலை, கோவையில் இருந்து மயிலாடுதுறை செல்லும் ஜனசதாப்தி ரயிலில் பயணித்தனர்.கோவையில் உள்ள ரயில்வே கேன்டீனில் இட்லி, வடை வாங்கினர். ரயில் புறப்பட்ட சிறிது நேரத்தில், அலுமினிய பேப்பர் டப்பா பார்சலை பிரித்து, இட்லி சாப்பிட்ட போது, அதில் பெரிய வண்டு இருந்தது. அதை கவனித்த கலைச்செல்வி, சாப்பிட மனமின்றி இட்லி பார்சலை அப்படியே வைத்துவிட்டார்.

கலைச்செல்வி தற்போது கர்ப்பிணியாக உள்ளார். இட்லியில் வண்டை பார்த்ததால், மன உளைச்சல் அடைந்ததுடன், அவர் வாந்தி எடுத்தார்.இது குறித்து, அன்று மாலை 3 மணியளவில், தஞ்சை ரயில்வே ஸ்டேஷனில் ராஜசேகர் புகார் செய்தார். இப்புகாரை, இந்திய ரயில்வே உணவு சேவைக் கழகம் சார்பில் உள்ள புகார் மனுவில் விரிவாக எழுதச் சொல்லி, ரயில்வே நிர்வாகம் பெற்றுக் கொண்டதுடன், அதற்கான ரசீது வழங்கினர். ரயில் பயணி ராஜசேகர் கூறுகையில், 'நாங்கள் கோவை ரயில்வே கேன்டீனில் வாங்கிய இட்லியில் பெரிய வண்டு இருந்தது. இதை கவனிக்காமல் சாப்பிட்டிருந்தால் எங்கள் நிலை என்ன ஆவது? ரயில்வே கேன்டீனில் வழங்கப்படும் உணவு தரமுடையதாக இருக்கிறதா என்பதை உறுதி செய்ய, ரயில்வே நிர்வாகம் நடவடிக்கை எடுக்க வேண்டும்' என்றார்.

எந்த சட்டமும் எங்களுக்கு பொருந்தாது !

படம் சொல்லும் சேதி....

இன்று காலை ஓமந்தூரார் தோட்டம் அருகில் எடுத்த படம்

இன்று காலை புதிய தலைமையகம் கட்டும் பகுதியின் அருகில் போக்குவரத்து காவல்துறையின் காவலர் ஒருவர் தலைகவசம் அணியாமல் அதுவும் மற்றொரு வண்டியை உதைத்து கொண்டு செல்வதால் இப்பகுதிவாகன ஓட்டிகள் சிறமம்பட்டனர் .

படம் : உமர்

தொழில் அதிபர் மீது டி.வி. நடிகை ஆர்த்தி புகார்!

கடந்த 2 வருடமாக தன்னை தொடர்ந்து தொல்லைக் கொடுத்து வருவதாக தொழில் அதிபர் பூதபாண்டி என்பவர் மீது டி.வி.நடிகை ஆர்த்தி போலீசில் புகார் கொடுத்துள்ளார்.

ஆனந்தம், கஸ்தூரி உள்ளிட்ட பல தொலைக்காட்சித் தொடர்களில் முக்கிய கதாபாத்திரங்களில் நடித்திருப்பவர் நடிகை ஆர்த்தி (வயது 22). தற்போது சினிமாவில் கதாநாயகியாக நடித்து வருகிறார். போரூரில் வாடகை வீட்டில் வசிக்கும் இவர் புறநகர் போலீஸ் கமிஷனர் ஜாங்கிட்டிடம் புகார் மனு ஒன்று கொடுத்தார்.

சென்னை விருகம்பாக்கத்தைச் சேர்ந்தவர் பூபாண்டியன். இவரது மகன் சுகுமாரும், எனது தம்பி அரசும் நண்பர்கள். அந்த வகையில், எங்கள் குடும்ப நிகழ்ச்சிகளுக்கு பூபாண்டியனும் வருவார். 2 வருடங்களுக்கு முன்பு எனது வீட்டில் இருந்து காசோலை புத்தகத்தை எடுத்துச் சென்று விட்டார். எனது தாயார் தேவைக்கு என்று காசோலையில் கையெழுத்து போட்டு வைத்திருந்தேன்.

அதை பயன்படுத்தி நான் அவரிடம் ரூ.20 லட்சம் பணம் வாங்கியதாக அவராக பத்திரம் தயார் செய்து கொண்டார். அந்த காசோலைகளை ரூ.5 லட்சம், ரூ.3 லட்சம், ரூ.2 லட்சம் என்று வங்கியில் போட்டு பணம் எடுக்கவும் முயற்சித்தார். காசோலை திருடுப்போனதாக வங்கியில் தகவல் தெரிவித்ததால், அத்தனை காசோலையும் பணம் இல்லாமல் திரும்பி அனுப்பப்பட்டது.

நான் கடன் வாங்கி கொண்டு ஏமாற்றுவதாக பொய் புகார் செய்தார். இது சம்பந்தமான வழக்கு விசாரணை பூந்தமல்லி கோர்ட்டில் நடந்து வருகிறது. நான் எனது அம்மாவுடன் கோர்ட்டுக்கு செல்லும் போதெல்லாம் ரவுடிகளை விட்டு மிரட்டுகிறார். விடாமல் தொல்லை தருகிறார். ஒருமுறை எனது காரை சேதப்படுத்தினார்.

பின்னர் நாங்கள் வாடகைக்கு இருக்கும் வீட்டு உரிமையாளர்களை மிரட்டி காலி செய்ய வைக்கிறார். கடந்த 2 வருடத்தில் அவர் கொடுத்த தொல்லைகளாலும் மிரட்டலுக்கும் பயந்து இதுவரை 5 வீடுகள் காலி செய்து விட்டோம். தற்போது போரூரில் கடந்த 5 மாதமாக வசித்து வருகிறோம்.

தினந்தோறும் வெவ்வேறு நபர்களை அனுப்பி பூபாண்டியன் மிரட்டி வருகிறார். “நீ மகாராணி போல வாழ வேண்டியவள். நான் சொல்வது போல் அனுசரித்து போ. பெரிய கதாநாயகி ஆக்கி காட்டுகிறேன் என்றும் தொல்லை செய்கிறார். அவர் மீது கொடுத்த புகார்கள் மதுரவாயல் போலீஸ் நிலையத்தில் நிலுவையில் உள்ளது.

பூபாண்டியனின் தொடர் தொல்லைகளால் எனது உயிருக்கு அச்சுறுத்தல் ஏற்பட்டுள்ளது. எனவே உரிய விசாரணை நடத்தி தீராத தொல்லை தரும் பூபாண்டியன் மற்றும் அவரது ரவுடிகளிடம் இருந்து எனக்கு பாதுகாப்பு தர வேண்டும் என்று கூறியுள்ளார்.

புகார் மனு மீது நடவடிக்கை எடுக்க திருவேற்காடு இன்ஸ்பெக்டர் துரைராஜனுக்கு போலீஸ் கமிஷனர் ஜாங்கிட் உத்தரவிட்டார். இதையடுத்து போலீசார் தொழில் அதிபர் பூபாண்டியனிடம் விசாரணை நடத்தி வருகின்றார்.