ரஷ்யா, சோமாலியாவில் குண்டு வெடிப்பு: 26 பேர் பலி; 21 பேர் காயம்

ரஷ்யாவின் கபார்டினோ - பல்கேரியா குடியரசில் நேற்று மே தினக் கொண்டாட்டத்தின் போது நடந்த குண்டு வெடிப்பில், ஒருவர் பலியானார்; 21 பேர் படுகாயம் அடைந்தனர்; ஆப்ரிக்க நாடான சோமாலியாவில் நடந்த இரட்டை குண்டு வெடிப்பில் 25 பேர் பலியாயினர்.ரஷ்யாவின் கபார்டினோ - பல்கேரியா குடியரசின் தலைநகரான நல்சிக், விளையாட்டுகளின் சொர்க்க பூமியாகக் கருதப்படுகிறது. இங்கு, நேற்று மே தினக் கொண்டாட்டமாக, குதிரைப் பந்தயம் நடந்து கொண்டிருந்த போது, குண்டு வெடித்தது. இதில் ஒருவர் பலியானார்.

இது குறித்து, அந்நாட்டு உள்துறை செய்தித் தொடர்பாளர் மரினா க்யாசோவா கூறுகையில், 'குண்டு, குறிப்பிட்ட நேரத்தில் வெடிக்கும்படி அமைக்கப்பட்டுள்ளது. அதன் உட்பகுதியில் நிறைய பேரைக் காயப்படுத்தும் வகையில் நிறைய இரும்புத் துண்டுகள் வைக்கப்பட்டுள்ளன; 21 பேர் காயம் அடைந்துள்ளனர். ஆனால், சரியான எண்ணிக்கை எவ்வளவு என்பது இனிமேல் தான் தெரியும்' என்று தெரிவித்தார்.சோமாலியா தலைநகர் மொகாடிஷுவில் உள்ள ஒரு மசூதியில், அடுத்தடுத்து நடந்த இரட்டை குண்டு வெடிப்பில் 25 பேர் பலியாயினர்; நிறைய பேர் படுகாயம் அடைந்தனர்.

வெடி குண்டுகளுடன் வாலிபர் கைது

மத்திய பிரதேச மாநிலம் மகோபா நகரில் ஜான்சி நகருக்கு செல்லும் சாலையில் போலீசார் தீவிர சோதனையில் ஈடுபட்டு இருந்தனர். இன்று காலையில் ராகுல் காந்தி கலந்து கொள்ளும் ஒரு நிகழ்ச்சி இருந்ததால் இந்த சோதனை நடந்தது. அப்போது சந்தேகத்துக்கிடமான முறையில் திரிந்த ஒரு வாலிபரை பிடித்து சோதனையிட்டனர். அவனிடம் வெடிகுண்டுகள் உள்பட ஏராளமான வெடிபொருள்கள் இருந்தது தெரிய வந்தது. இதைத் தொடர்ந்து அவனைப் பிடித்து தீவிர விசாரணை நடத்தி வருகின்றனர்.

ராகுல்காந்தி வரும் பகுதியில் வெடிகுண்டுகளுடன் ஒருவன் கைது செய்யப்பட்டிருப்பது அங்கு பெரும் பரபரப்பை ஏற்படுத்தியுள்ளது

பெஷாவரில் குண்டு வெடிப்பு மேயர் உட்பட 11 பேர் பலி

பாகிஸ்தானில் பெஷாவர் அருகே தற்கொலைப் படை பயங்கரவாதிகள் தாக்குதல் நடத்தியதில், மேயர் உட்பட 11 பேர் பலியாயினர்.பாகிஸ்தான் ராணுவம், தலிபான்களுக்கு எதிரான நடவடிக்கையை மேற்கொண்டுள்ளது. இதற்கு பழிவாங்கும் நடவடிக்கையாக, தலிபான் பயங்கரவாதிகள், பாகிஸ்தானின் முக்கிய பகுதிகளில் தற்கொலைப் படை தாக்குதலை நடத்தி வருகின்றனர்.


இந்நிலையில், பெஷாவர் நகரின் புறநகர் பகுதியில் மட்டானி என்ற இடத்தில் உள்ள கால்நடை சந்தையில், தற்கொலைப் படையினர் தங்கள் உடலில் கட்டியிருந்த வெடிகுண்டை வெடிக்கச் செய்த தில் மேயர் அப்துல் மாலிக் மற்றும் இளம் பெண் ஒருவர் உட்பட, 11 பேர் பலியாயினர்; 36 பேர் படுகாயமடைந் தனர். இதில் ஒன்பது பேரின் நிலைமை கவலைக்கிடமாக உள்ளது.


தலிபான்களின் நண்பராக இருந்த மேயர் அப்துல் மாலிக், தற்போது தலிபான் எதிர்ப்பாளராக உள்ளார். தலிபான்களுக்கு எதிராக பழங்குடி மக்களை கொண்ட எதிர்ப்புப் படையை இவர் உருவாக்கியுள்ளார். எனவே, இவரை ஒழித்துக்கட்ட தலிபான்கள் ஐந்து முறை முயன்றனர். பக்ரீத்துக் காக மட்டானி கால்நடை சந்தைக்கு வந்த மாலிக், காரில் இருந்து இறங்கியதும், தற்கொலைப் படையினர் குண்டை வெடிக்க செய்தனர்.


இச்சம்பவத்தில் எட்டு கார்கள் மற்றும் சில கடைகள் சேதமடைந்தன. தடயங்களை சேகரிப்பதற்காக போலீசார் இந்த பகுதியில் மக்கள் நடமாட்டத்தை தடை செய்துள்ளனர். மாலிக்கின் உயிருக்கு அச்சுறுத்தல் இருந்ததால், அவரது வீட்டுக்கு போலீஸ் பாதுகாப்பு போடப்பட்டிருந்தது. ஆனால், நேற்று அவர் போலீஸ் உதவியில்லாமல் தனியாக வந்திருந்தார்.