மைக்கேல் ஹசி அதிரடி: பைனலில் ஆஸி., *கடைசி ஓவரில் கோட்டைவிட்டது பாக்.,

"டுவென்டி-20 உலக கோப்பை தொடரின் பரபரப்பான அரையிறுதியில் கடைசி ஓவரில் மைக்கேல் ஹசி "சிக்சர் மழை பொழிய, ஆஸ்திரேலிய அணி, பாகிஸ்தானை 3 விக்கெட் வித்தியாசத்தில் வீழ்த்தியது. வெற்றி வாய்ப்பை வீணாக பறிகொடுத்த "நடப்பு சாம்பியன் பாகிஸ்தான் அணி பரிதாபமாக வெளியேறியது.
வெஸ்ட் இண்டீசில் "டுவென்டி-20 உலக கோப்பை தொடர் நடக்கிறது. நேற்று செயின்ட்லூசியாவில் நடந்த இரண்டாவது அரையிறுதியில் "நடப்பு சாம்பியன் பாகிஸ்தான், ஆஸ்திரேலிய அணிகள் மோதின.
துவக்கம் தாமதம்:
மழை காரணமாக மைதானத்தின் பெரும்பாலான பகுதி ஈரமாக இருந்ததால், போட்டி துவங்குவதில் அரைமணி நேரம் தாமதம் ஏற்பட்டது. டாஸ் வென்ற ஆஸ்திரேலிய கேப்டன் மைக்கேல் கிளார்க், பீல்டிங் தேர்வு செய்தார். இரு அணிகளிலும் மாற்றம் எதுவும் செய்யப்படவில்லை.
சூப்பர் ஜோடி:
முதல் ஓவரை நானஸ் "மெய்டனாக வீசினார். இதற்கு பின் கம்ரான் அக்மல், சல்மான் பட் இணைந்து பாகிஸ்தானுக்கு அசத்தல் துவக்கம் தந்தனர். இருவரும் பவுண்டரி மழை பொழிய, ஆஸ்திரேலிய பவுலர்களை பார்க்கவே பாவமாக இருந்தது. டெய்ட் வீசிய 4வது ஓவரில் 3 பவுண்டரிகள் அடிக்கப்பட்டன. ஸ்மித் சுழலில் கம்ரான் ஒரு பவுண்டரி, சிக்சர் விளாசினார். வாட்சன் வீசிய 9வது ஓவரில் சிக்சர் மற்றும் 2 பவுண்டரி அடித்த கம்ரான், 32 பந்துகளில் அரைசதம் எட்டினார். இது சர்வதேச "டுவென்டி-20 போட்டிகளில் இவரது 5வது அரைசதம். பின் ஜான்சன் பந்தை விரட்டிய கம்ரான்(50), வார்னரின் சூப்பர் "கேட்ச்சில் வெளியேறினார். முதல் விக்கெட்டுக்கு கம்ரான்-சல்மான் 82 ரன்கள் சேர்த்தனர். சிறிது நேரத்தில் ஸ்மித் சுழலில் சல்மான்(32) சிக்கினார். மிகவும் எதிர்பார்க்கப்பட்ட கேப்டன் அப்ரிதி(8) ஏமாற்றினார்.
உமர் அரைசதம்:
பின் அண்ணன் கம்ரான் வழியில், அவரது தம்பி உமர் அக்மல் கடைசி கட்டத்தில் கலக்கினார். ஜான்சன் வீசிய 18வது ஓவரில் 3 சிக்சர்கள் விளாசிய இவர், அரைசதம் அடித்தார். லத்திப் 13, ரசாக் 12 ரன்கள் எடுத்தார். பாகிஸ்தான் அணி 20 ஓவரில் 6 விக்கெட்டுக்கு 191 ரன்கள் எடுத்தது. <உமர்(56) அவுட்டாகாமல் இருந்தார். ஆமர் மிரட்டல்: சவாலான இலக்கை விரட்டிய ஆஸ்திரேலிய அணி முதல் ஓவரிலேயே ஆட்டம் கண்டது. முகமது ஆமர் வேகத்தில் வார்னர் "டக் அவுட்டானார். சிறிது நேரம் அதிரடி காட்டிய வாட்சனும்(16), ஆமர் பந்தில் வீழ்ந்தார். இரண்டு ஐ.பி.எல்., நட்சத்திரங்களும் விரைவில் வெளியேற, சிக்கல் ஏற்பட்டது. ஹாடின்(25) அதிக நேரம் நீடிக்கவில்லை. அப்ரிதி வலையில் கேப்டன் மைக்கேல் கிளார்க்(17) வெளியேற, 4 விக்கெட்டுக்கு 62 ரன்கள் எடுத்து தத்தளித்தது.
பின் கேமரான் ஒயிட், டேவிட் ஹசி இணைந்து போராடினர். ஹபீஸ் ஓவரில் இருவரும் தலா ஒரு சிக்சர் அடித்தனர். தொடர்ந்து சுழலில் மிரட்டிய அப்துர் ரஹ்மான், டேவிட் ஹசியை(13) வெளியேற்றி திருப்புமுனை ஏற்படுத்தினார்.
"திரில் வெற்றி:
கடைசி ஓவரில் வெற்றிக்கு 18 ரன்கள் தேவைப்பட்டது. படுமோசமாக பந்துவீசிய சயீத் அஜ்மல், பாகிஸ்தானின் வில்லனாக மாறினார். முதல் பந்தில் ஜான்சன் ஒரு ரன் எடுத்தார். இரண்டாவது பந்தில் மைக்கேல் ஹசி "சிக்சர் அடித்தார். அடுத்த பந்தும் "சிக்சருக்கு பறக்க "டென்ஷன் எகிறியது. நான்காவது பந்தில் "பவுண்டரி அடித்தார். 5வது பந்தில் இன்னொரு இமாலய சிக்சர் அடித்த மைக்கேல் ஹசி அணிக்கு "திரில் வெற்றி தேடி தந்தார். ஆஸ்திரேலிய அணி 19.5 ஓவரில் 7 விக்கெட்டுக்கு 197 ரன்கள் எடுத்து, "திரில் வெற்றி பெற்றது.
முதல் முறை:
இதன் மூலம் "டுவென்டி-20 உலக கோப்பை தொடரின் பைனலுக்கு முதல் முறையாக முன்னேறியது. 24 பந்துகளில் 60 ரன்கள்(3 பவுண்டரி, 6 சிக்சர்) விளாசிய மைக்கேல் ஹசி, ஆட்ட நாயகன் விருதை தட்டிச் சென்றார்.
நாளை நடக்கும் பைனலில் ஆஸ்திரேலியா-இங்கிலாந்து அணிகள் மோதுகின்றன.

ஸ்கோர் போர்டு
பாகிஸ்தான்
கம்ரான்(கே)வார்னர்(ப)ஜான்சன் 50(34)
சல்மான்(கே)வார்னர்(ப)ஸ்மித் 32(30)
உமர் அக்மல்-அவுட் இல்லை- 56(35)
அப்ரிதி(கே)ஹாடின்(ப)டேவிட் ஹசி 8(9)
லத்திப்(கே)வார்னர்(ப)நானஸ் 13(6)
ரசாக்-ரன் அவுட்-(ஹாடின்/டெய்ட்) 12(7)
மிஸ்பா-ரன் அவுட்-(டெய்ட்) 0(0)
உதிரிகள் 20
மொத்தம்(20 ஓவரில் 6 விக்.,) 191
விக்கெட் வீழ்ச்சி: 1-82(கம்ரான்), 2-89(சல்மான்), 3-114(அப்ரிதி), 4-145(லத்திப்), 5-189(ரசாக்), 6-191(மிஸ்பா).
பந்துவீச்சு: நானஸ் 4-1-32-1, டெய்ட் 4-0-25-0, ஜான்சன் 4-0-37-1, வாட்சன் 2-0-26-0, ஸ்மித் 2-0-23-1, டேவிட் ஹசி 3-0-24-1, மைக்கேல் கிளார்க் 1-0-13-0.
ஆஸ்திரேலியா
வார்னர்(கே)உமர்(ப) ஆமர் 0(2)
வாட்சன்(கே)ரஹ்மான்(ப)ஆமர் 16(9)
ஹாடின்(ஸ்டம்)கம்ரான்(ப)ரஹ்மான் 25(20)
கிளார்க்(ஸ்டம்)கம்ரான்(ப)அப்ரிதி 17(19)
டேவிட் ஹசி(கே)+(ப)ரஹ்மான் 13(9)
ஒயிட்(கே)ஹபீஸ்(ப)ஆமெர் 43(31)
மைக்கேல் ஹசி-அவுட் இல்லை- 60(24)
ஸ்மித்(ஸ்டம்)கம்ரான்(ப)அஜ்மல் 5(4)
ஜான்சன்-அவுட் இல்லை- 5(3)
உதிரிகள் 13
மொத்தம் (19.5 ஓவரில் 7 விக்.,) 197
விக்கெட் வீழ்ச்சி: 1-1(வார்னர்), 2-26(வாட்சன்), 3-58(ஹாடின்), 4-62(கிளார்க்), 5-105(டேவிட் ஹசி), 6-139(ஒயிட்), 7-144(ஸ்மித்).
பந்துவீச்சு: ஆமர் 4-0-35-3, ரசாக் 2-0-22-0, ரஹ்மான் 4-0-33-2, அஜ்மல் 3.5-0-46-1, அப்ரிதி 4-0-34-1, ஹபீஸ் 2-0-20-0.

இந்திய அணிக்கு மரண 'அடி'; ஹாட்ரிக் தோல்வியால் அவமானம்; உலக கோப்பை தொடரில் 'அவுட்'

'டுவென்டி-20' உலக கோப்பை தொடரில் இருந்து இந்தியா வெளியேறியது. மிக முக்கியமான 'சூப்பர்-8' போட்டியில், இலங்கையிடம் 5 விக்கெட் வித்தியாசத்தில் வீழ்ந்தது. ஏற்கனவே ஆஸ்திரேலியா, வெஸ்ட் இண்டீசிடம் தோல்வியடைந்த இந்திய அணி, தற்போது 'ஹாட்ரிக்' தோல்வியை சந்தித்து அவமானம் அடைந்துள்ளது. கடைசி பந்தில் கபுகேதிரா சிக்சர் அடிக்க, 'திரில்' வெற்றி பெற்ற இலங்கை அணி அரையிறுதி வாய்ப்பை தக்கவைத்துக் கொண்டது.

மூன்றாவது 'டுவென்டி-20' உலககோப்பை வெஸ்ட் இண்டீசில் நடக்கிறது. இதன் 'சூப்பர்-8' சுற்றின் 'எப்' பிரிவு போட்டியில் இந்தியா, இலங்கை அணிகள் மோதின. இதில் இலங்கை வென்றால் அரையிறுதிக்கு முன்னேறும். மாறாக, இந்திய அணி வெற்றி பெற்றால், 'ரன்ரேட்' அடிப்படையில் ஒருவேளை அரையிறுதி வாய்ப்புக் கிடைக்கும் என்ற நிலை இருந்தது. இந்நிலையில் மீண்டும் 'டாஸ்' வென்ற இந்திய அணி கேப்டன் தோனி, இம்முறை பேட்டிங் தேர்வு செய்து, சரியான முடிவு எடுத்தார்.

விஜய் நீக்கம்: இந்திய அணியில் முரளி விஜய், ஜாகிர் கான், ரவிந்திர ஜடேஜா ஆகியோர் நீக்கப்பட்டனர். இவர்களுக்குப் பதிலாக தினேஷ் கார்த்திக், பியுஸ் சாவ்லா மற்றும் அறிமுக வீரராக வினய் குமாரும் இடம் பெற்றனர். இலங்கை அணியின் மெண்டிஸ், சண்டிமால், வெலகேதராவுக்குப் பதில், பெரேரா, ஜெயசிங்கே, துஷாரா வாய்ப்பு பெற்றனர்.

கார்த்திக் ஏமாற்றம்: இந்திய அணிக்கு இம்முறை காம்பிருடன், தினேஷ் கார்த்திக் துவக்கம் கொடுத்தார். மாத்யூஸ் வீசிய முதல் பந்திலேயே பவுண்டரி அடித்த கார்த்திக் (13) அதிக நேரம் நீடிக்கவில்லை.

காம்பிர் ஆறுதல்: பின் காம்பிருடன் ரெய்னா இணைந்தார். துஷராவின் ஓவரில் 3 பவுண்டரி உட்பட 17 ரன்கள் எடுத்து அதிரடியை துவக்கினார். மறுமுனையில் நிதான ஆட்டத்தை வெளிப்படுத்திய காம்பிர் 41 ரன்களில், இத்தொடரில் நான்காவது முறையாக, 'ஷார்ட் பிட்ச்' பந்தில் சிக்கினார்.

ரெய்னா அரைசதம்: ரெய்னாவுடன் கேப்டன் தோனி ஜோடி சேர்ந்து ஒன்று, இரண்டாக ரன் சேர்க்க அணியின் ரன்வேகம், பெருமளவு குறைந்தது. ரந்திவ் பந்தில் சிக்சர் அடித்த ரெய்னா, இத்தொடரின் இரண்டாவது அரைசதத்தை எட்டினார். ஏழு பவுண்டரி, ஒரு சிக்சர் உட்பட 63 ரன்கள் எடுத்த இவர் துஷாராவின் வேகத்தில் அவுட்டானார். யுவராஜ் (1) மீண்டும் ஏமாற்றினார்.

தோனி 23*, யூசுப் பதான் 13* ரன்கள் எடுத்து கைகொடுக்க, இந்திய அணி 20 ஓவரில் 5 விக்கெட் இழப்புக்கு 163 ரன்கள் எடுத்தது. மலிங்கா, துஷாரா தலா இரு விக்கெட்டுகள் கைப்பற்றினர்.

ஜெயவர்தனா அதிர்ச்சி: எட்டிவிடும் இலக்கை விரட்டிய இலங்கை அணிக்கு ஜெயவர்தனா, ஜெயசூர்யா துவக்கம் கொடுத்தனர். நெஹ்ராவில் முதல் ஓவரில் பவுண்டரி அடித்த ஜெயவர்தனா (4), அவரிடமே வீழ்ந்தார். அடுத்த ஓவரில் வினய் குமார், ஜெயசூர்யாவை 'டக்' அவுட்டாக்கினார்.

தில்ஷன் அதிரடி: பின் தில்ஷனுடன் இணைந்த சங்ககரா நிதானமாக ஆடினார். மறுமுனையில் நெஹ்ரா, ஹர்பஜன் ஓவரில் தில்ஷன் தலா இரண்டு பவுண்டரி அடித்து மிரட்டினார். இருப்பினும் இவர் 33 ரன்களில் யூசுப் பதான் சுழலில் சிக்கினார்.

கைகொடுத்த சங்ககரா: அடுத்து வந்த மாத்யூஸ், சாவ்லாவின் ஓவரில் சிக்சர் அடித்து அசத்தினார். சங்ககரா தன் பங்கிற்கு யூசுப் பதான் ஓவரில் இரண்டு சிக்சர் விளாசினார். இவர் 46 ரன்களில் வினய் குமார் வேகத்தில் போல்டானார். பின் மாத்யூஸ் (), கபுகேதரா இணைந்து அணியின் வெற்றிக்கு போராடினர்.

'திரில்' ஓவர்: இலங்கை அணியின் வெற்றிக்கு கடைசி ஓவரில் 13 ரன்கள் தேவைப்பட்டது. நெஹ்ரா வீசிய முதல் பந்தை மாத்யூஸ் சிக்சருக்கு அனுப்பினார். அடுத்த மூன்று பந்தில் 4 ரன்கள் எடுத்தனர். கடைசி 2 பந்தில் வெற்றிக்கு 3 ரன்கள் என்ற நிலையில் மாத்யூஸ் (46) ரன் அவுட்டானார். கடைசி பந்தில் 3 ரன் எடுக்க வேண்டிய நிலையில் கபுகேதரா, 'சூப்பர்' சிக்சர் அடித்து அணியை வெற்றி பெற வைத்தார். இலங்கை அணி 20 ஓவரில் 5 விக்கெட்டுக்கு 167 ரன்கள் எடுத்து, 5 விக்கெட்டுகள் வித்தியாசத்தில் வெற்றி பெற்றது. கபுகேதரா (37) அவுட்டாகாமல் இருந்தார்.

பேட்டிங் சொதப்பல்: இலங்கைக்கு எதிரான போட்டியில் இந்திய அணி, பேட்டிங்கில் சொதப்பியது. அதிக ரன்கள் வித்தியாசத்தில் வெற்றிபெற வேண்டும் என்ற நிலையில், முதலில் பேட்டிங் செய்த இந்திய அணி, 11 ஓவரில் ஒரு விக்கெட்டுக்கு 96 ரன்கள் எடுத்திருந்தது. திடீரென தோனி, ரெய்னா மந்தமாக விளையாட, அடுத்த 9 ஓவரில் இந்திய அணி 67 ரன்கள் மட்டும் எடுத்ததே தோல்விக்கு முக்கிய காரணம்.

அரையிறுதியில் இலங்கை: இந்தியாவுடன், இலங்கை வெற்றி பெற்றாலும் அந்த அணி அரையிறுதிக்கு முன்னேர ஆஸ்திரேலியாவுடன் வெஸ்ட் இண்டீஸ் அணி தோற்க வேண்டும் என்ற இக்கட்டான சூழ்நிலைக்கு தள்ளப்பட்டது. அதன்படி இன்றைய போட்டியின் 2வது ஆட்த்தில் வெஸ்ட் இண்டீஸ் அணி, ஆஸ்திரேலியா அணியை சந்தித்தது. இதில் டாஸ் வென்ற வெஸ்ட் இண்டீஸ் பேட்டிங் தேர்வு செய்தது. இப்போட்டியில் வெற்றி பெற்றால் அரையிறுதிக்கு முன்னேறும் முனைப்புடன் களமிறங்கிய ‌வெஸ்ட் இண்டீஸ் அணி, ஆஸ்திரேலியா பந்து வீச்சை சமாளிக்க முடியாமல் அடுத்தடுத்து விக்கெட்டுகளை இழந்து திணறியது. முடிவில் வெஸ்ட் இண்டீஸ் அணி 19 ஓவரில் அனைத்து விக்கெட்டுகளையும் இழந்து 105 ரன்கள் மட்டுமே எடுத்தது. அதிகபட்சமாக அந்த அணியின் சர்வான் 26 ரன்களும், சந்தர்பால் 24 ரன்களும் எடுத்தனர். மற்ற வீரர்கள் அனைவரும் சொற்ப ரன்னில் ஆட்டமிழந்தனர். ஆஸ்திரேலிய தரப்பில் ஸ்மித் 3 விக்கெட்டுகளையும், ஜான்சன், ஹசி தலா 2விக்கெட்டு்‌களை வீழ்த்தினர்.

106 ரன் எடுத்தால் வெற்றி என்ற எளிய இலக்கை விரட்டிய ஆஸ்திரேலியா 16.2 ஓவரில் 4 விக்கெட் இழப்பிற்கு 109 ரன் எடுத்து 6விக்கெட் வித்தியாசத்தில் வெற்றி பெற்றது. அதிகபட்சமாக ஹாடின் 42ரன் எடுத்தார். ஹாட்ரிக் வெற்றி பெற்ற ஆஸ்திரேலிய அணி அரையிறுதிக்கு முன்னேறியது. மேலும் இந்த போட்டியின் மூலம் தோல்வியடைந்த வெஸ்ட் இண்டீஸ் அணி உலக கோப்பை தொடரில் இருந்து வெளியேறியது. இந்த பிரிவில் மற்றொரு அணியான இலங்கை அணி, இந்தியாவுடன் பெற்ற வெற்றி மூலம் அரையிறுதிக்கு முன்னேறியது.

சூப்பர்-8 ஆட்டம் இன்றுடன் முடிவடைந்தது. அடுத்த இனி நடைபெற இருக்கும் அரையிறுதி போட்டிக்கு ஆஸ்திரேலியா, இலங்கை, இங்கிலாந்து, பாகிஸ்தான் அணிகள் தகுதி பெற்றுள்ளன. முதலாவது அரையிறுதி போட்டி மே 13ம் தேதி நடைபெறுகிறது. இதில் இங்கிலாந்து-இலங்கை அணிகள் மோதுகின்றன. இரண்டாவது அரையிறுதி போட்டி மே 14ம் நடைபெறுகிறது. இதில் ஆஸ்திரேலியா-பாகிஸ்தான் அணிகள் மோதுகின்றன.

அரையிறுதிக்கு முன்னேறியது இங்கிலாந்து *பாகிஸ்தானுக்கு அதிர்ஷ்டம்

"டுவென்டி-20 உலக கோப்பை "சூப்பர்-8 போட்டியில், இங்கிலாந்து அணி 3 விக்கெட் வித்தியாசத்தில், நியூசிலாந்தை வீழ்த்தியது. இந்த வெற்றியை அடுத்து இங்கிலாந்து மற்றும் "ரன்ரேட் அடிப்படையில் பாகிஸ்தான் அணிகள் அரையிறுதிக்கு தகுதி பெற்றது.
மூன்றாவது "டுவென்டி-20 உலக கோப்பை கிரிக்கெட் தொடர் வெஸ்ட் இண்டீசில் நடக்கிறது. இதன் "சூப்பர்-8 சுற்றில், "இ பிரிவு போட்டியில் இங்கிலாந்து, நியூசிலாந்து அணிகள் மோதின. இங்கிலாந்து அணி ஏற்கனவே அரையிறுதி வாய்ப்பை <உறுதி செய்துள்ளது. நியூசிலாந்து அணி வெற்றிபெற்றால் அரையிறுதிக்கு செல்லலாம் என்ற நிலையில், "டாஸ் வென்ற நியூசிலாந்து கேப்டன் வெட்டோரி, பேட்டிங் தேர்வு செய்தார்.
இங்கிலாந்து அணியின் பீட்டர்சனுக்கு பதிலாக, ரவி போபரா இடம் பெற்றார். நியூசிலாந்தின் கப்டில் நீக்கப்பட்டு, ரெட்மாண்ட் சேர்க்கப்பட்டார்.
நிதான துவக்கம்:
நியூசிலாந்து அணிக்கு ரைடர், பிரண்டன் மெக்கலம் ஜோடி, முதல் இரு ஓவர்களில் நிதானம் காட்டியது. பிரஸ்னனின் இரண்டாவது ஓவரில் நாதன் மெக்கலம் இரண்டு பவுண்டரி விளாசினார். மறுமுனையில் பிராட் ஓவரில் இரு பவுண்டரி அடித்த ரைடர் (9) நிலைக்கவில்லை. அதிகம் எதிர் பார்க்கப்பட்ட பிரண்டன் மெக்கலம் (33), ரெட்மாண்ட் (16) ரன்களில் பெவிலியன் திரும்பினர்.
டெய்லர் அபாரம்:
பின்னர் ரோஸ் டெய்லர், ஸ்டைரிஸ் ஜோடி இணைந்து அதிரடி ஆட்டத்தை வெளிப்படுத்தினர். இதையடுத்து அணியின் ஸ்கோர் சீராக உயர்ந்தது. ஸ்டைரிஸ் 19 பந்தில் 31 ரன்கள் எடுத்து அவுட்டானார். ஹாப்கின்ஸ் (1) ஏமாற்றினார். மறுமுனையில் டெய்லர், 44 ரன்கள் எடுத்து ஆறுதல் தந்தார். பின் வந்த வீரர்கள் ஏமாற்ற நியூசிலாந்து அணி 20 ஓவரில் 6 விக்கெட் இழப்புக்கு 149 ரன்கள் எடுத்தது.
லம்ப் அசத்தல்:
எளிய இலக்கை விரட்டிய இங்கிலாந்து அணிக்கு லம்ப், கீஸ்வெட்டர் ஜோடி சுமாரான துவக்கம் கொடுத்தது. கீஸ்வெட்டர் 15 ரன்கள் எடுத்தார். பீட்டர்சனுக்கு பதில் இடம் பெற்ற ரவி போபரா 9 ரன்னில் வெளியேறி அதிர்ச்சி கொடுத்தார். கேப்டன் கோலிங்வுட் (3) நிலைக்கவில்லை. மறுமுனையில் அதிரடியாக விளையாடிய லம்ப் (32), வெட்டோரியிடம் வீழ்ந்தார்.
இங்கிலாந்து வெற்றி:
லுக் ரைட் (24) ஓரளவு கைகொடுத்தார். பின் மார்கன் 40 ரன்கள் எடுத்து அணியின் வெற்றிக்கு <<உதவினார். இங்கிலாந்து அணி, 19.1 ஓவரில் 7 விக்கெட் இழப்புக்கு 153 ரன்கள் எடுத்து எளிதாக வென்றது. பிரஸ்னன் (23) அவுட்டாகாமல் இருந்தார்.
அரையிறுதிக்கு தகுதி:
இந்த வெற்றியை அடுத்து "இ பிரிவில் இங்கிலாந்து அணி 3 வெற்றிகளுடன் (6 புள்ளி), இத்தொடரின் அரையிறுதிக்கு முதல் அணியாக முன்னேறியது. பாகிஸ்தான் (+0.041), நியூசிலாந்து (-0.373), தென் ஆப்ரிக்க (-0.617) அணிகள் தலா ஒரு வெற்றியுடன் 2 புள்ளிகள் பெற்றிருந்த போதும், "ரன்ரேட் அடிப்படையில் பாகிஸ்தான் அணிக்கு அதிர்ஷ்டம் அடித்து, இரண்டாவது அணியாக அரையிறுதிக்கு முன்னேறியது.

பாகிஸ்தான் வெற்றி

மற்றொரு போட்டியில், தென் ஆப்ரிக்கா, பாகிஸ்தான் அணிகள் மோதின. "டாஸ் வென்று முதலில் ஆடிய பாகிஸ்தான் அணிக்கு சல்மான் பட் (2), காலித் (7), முகமது ஹபீஸ் (1) ஆகியோர் கைவிட்டனர். கம்ரான் அக்மல் 37, உமர் அக்மல் 51, ரன்கள் எடுத்தனர். அதிகம் எதிர்பார்க்கப்பட்ட கேப்டன் அப்ரிதி, 18 பந்துகளில் 30 ரன்கள் எடுக்க, பாகிஸ்தான் அணி 20 ஓவரில், 7 விக்கெட்டுக்கு 148 ரன்கள் எடுத்தது.
எளிய இலக்கை விரட்டிய தென் ஆப்ரிக்க அணிக்கு கிப்ஸ் (3), கேப்டன் ஸ்மித் (13), காலிஸ் (22) ஆகியோர் விரைவில் அவுட்டானர். டிவிலியர்ஸ் (53), போத்தா (19) போராடிய போதும், தென் ஆப்ரிக்க அணி 20 ஓவரில் 7 விக்கெட்டுக்கு 137 ரன்கள் எடுத்து, 11 ரன்கள் வித்தியாசத்தில் தோல்வியடைந்தது.
இதன்மூலம், "சூப்பர்-8 சுற்றில் இரண்டு தோல்வியடைந்த தென் ஆப்ரிக்க அணி (2 புள்ளிகள்), அரையிறுதிக்கு முன்னேற முடியாமல் தொடரில் இருந்து வெளியேறியது.

இந்திய அணிக்கு அதிர்ஷ்டம் அடிக்குமா? * இன்று இலங்கையுடன் மோதல்

"டுவென்டி-20' உலககோப்பை அரையிறுதியை எட்ட, அதிர்ஷ்டத்தை எதிர்நோக்கி களமிறங்கும் இந்திய அணி, இன்று இலங்கையை எதிர்கொள்கிறது.
வெஸ்ட் இண்டீசில் மூன்றாவது "டுவென்டி-20' உலககோப்பை கிரிக்கெட் தொடர் நடக்கிறது. செயின்ட் லூசியாவில் இன்று நடக்கும் "சூப்பர்-8' சுற்றுப் போட்டியில் குரூப் "எப்' பிரிவில் இடம் பெற்றுள்ள இந்தியா, இலங்கை அணிகள் மோதுகின்றன.
அரையிறுதி வாயப்பு?:
இந்த முறை உலககோப்பை அரையிறுதிக்கு முன்னேறும் வாய்ப்பை இந்திய அணி கிட்டதட்ட இழந்து விட்டது. இருப்பினும் ஏதாவது அதிசயம் நடந்தால் இந்திய அணிக்கு அரையிறுதி வாய்ப்பு கிடைக்கலாம். இன்று நடக்கும் போட்டியில், இந்திய அணி, இலங்கை அணிக்கு எதிராக மிகப் பெரிய வெற்றி (அதாவது குறைந்தது 20 ரன்கள் வித்தியாசத்தில் வெற்றி பெற வேண்டும். இரண்டாவது பேட் செய்தால், 17. 3 ஓவரில் இலங்கை அணி நிர்ணயித்த இலக்கை எட்ட வேண்டும்) பெற வேண்டும். அதே வேளை, மற்றொரு போட்டியில் ஆஸ்திரேலியா, வெஸ்ட் இண்டீசை வீழ்த்த வேண்டும். இவை இரண்டும் நடந்தால், குரூப் "எப்' பிரிவில் 3 வெற்றிகளை பெற்று 6 புள்ளிகளுடன் ஆஸ்திரேலியா அரையிறுதிக்கு முன்னேறி விடும். இரண்டாவது இடத்தில் தலா ஒரு வெற்றிகளுடன் 2 புள்ளிகள் பெற்று இலங்கை, வெஸ்ட் இண்டீஸ், இந்தியா அணிகள் இடம் பெறும். ரன்-ரேட்டின் அடிப்படையில் இவற்றில் ஏதாவது ஒரு அணி அரையிறுதிக்கு முன்னேறும். தற்போது இந்திய அணி (-1.578) ரன்-ரேட்டில் மிகவும் பின்தங்கியுள்ளது. வெஸ்ட் இண்டீஸ் (-1.057), இலங்கை (-0.600) அணிகள் இந்தியாவை விட சற்று வலுவான நிலையில் உள்ளன.
பேட்டிங் சொதப்பல்:
இந்திய அணியின் பேட்டிங் படு சொதப்பலாக அமைந்துள்ளது. துவக்க வீரர்களான காம்பிர், முரளி விஜய் இருவரும் ரன் சேர்க்க திணறி வருகின்றனர். சேவக்கிற்கு பதில் அணியில் வாய்ப்பு பெற்ற முரளி விஜய், இன்றைய போட்டியில் சிறப்பாக விளையாடினால் மட்டுமே, அணியில் நிரந்தர இடத்தை பெற முடியும். ரெய்னா, ரோகித், தோனி, யூசுப் பதான் ஆகியோர் இன்றைய போட்டியில் அதிக ரன்கள் குவிக்க வேண்டிய கட்டாயத்தில் உள்ளனர். 200 ரன்களை இலக்காக கொண்டு இந்திய அணி விளையாட வேண்டியது அவசியம்.
வேகம் அவசியம்:
இந்திய அணியின் வேகப்பந்து வீச்சும் ஏமாற்றம் அளித்துள்ளது. அனுபவ வீரர் ஜாகிர் விக்கெட் கைப்பற்ற திணறி வருகிறார். நெஹ்ரா ஆறுதல் அளிக்கிறார். கூடுதலாக ஒரு வேகப்பந்து வீச்சாளரை களமிறக்க வேண்டியது அவசியம். அறிமுக வீரர் உமேஷ் யாதவ் அல்லது வினய் குமாருக்கு வாய்ப்பு அளிக்கலாம். ஹர்பஜன் சுழலில் மிரட்டுவது இந்தியாவுக்கு பலம். தொடர்ந்து ரவிந்திர ஜடேஜாவை தேர்வு செய்து தவறுக்கு மேல் தவறு செய்து வரும் கேப்டன் தோனி, நிலைமையை உணர்ந்து செயல்பட வேண்டும். எல்லாவற்றுக்கும் மேலாக, இந்திய அணியின் பீல்டிங்கில் முன்னேற்றம் அவசியம்.
வெற்றி தேவை:
"சூப்பர்-8' சுற்றில் ஒரு வெற்றியை எட்டியுள்ள இலங்கை அணி, அரையிறுதிக்கு முன்னேற இன்றைய போட்டியில் இந்திய அணியை வீழ்த்த வேண்டிய கட்டாயத்தில் உள்ளது. ஜெயவர்தனா, சங்ககரா, தில்ஷன், மாத்யூஸ், கபுகேதரா ஆகியோர் பேட்டிங்கில் அசத்த காத்திருக்கின்றனர். மலிங்கா, குலசேகரா, மெண்டிஸ், முரளிதரன் ஆகியோரை உள்ளடக்கிய பவுலிங் கூட்டணி இந்திய பேட்ஸ்மேன்களுக்கு நெருக்கடி கொடுக்கும் என்பதில் சந்தேகமில்லை.

இரு அணிகளும் இதுவரை...
இந்தியா, இலங்கை அணிகள் இதுவரை 3 "டுவென்டி-20' போட்டிகளில் மோதியுள்ளன. இதில், இந்தியா 2, இலங்கை ஒரு போட்டியில் வெற்றியை எட்டியுள்ளன.
* இவ்விரு அணிகளும் இதுவரை "டுவென்டி-20' உலககோப்பை தொடரில் மோதியது இல்லை.

ஆஸ்திரேலியா-வெ.இண்டீஸ் மோதல்
இன்று செயின்ட் லூசியாவில் நடக்க உள்ள மற்றொரு போட்டியில், ஆஸ்திரேலியா, வெஸ்ட் இண்டீஸ் அணிகள் பலப்பரீட்சை மேற்கொள்கின்றன. முன்னதாக "சூப்பர்-8' சுற்றில் 2 வெற்றிகளை பெற்றுள்ள ஆஸ்திரேலிய அணி, கிட்டதட்ட அரையிறுதி வாய்ப்பை உறுதி செய்து விட்டது. இருப்பினும் இன்றைய போட்டியில் வெஸ்ட் இண்டீசை எளிதாக வீழ்த்தும் என எதிர்பார்க்கப் படுகிறது. அணியின் அனைத்து வீரர்களும் அசத்தி வருவது, ஆஸ்திரேலியாவுக்கு சாதகமாக உள்ளது.
சொந்த மண்ணில் அரையிறுதி வாய்ப்பை எட்ட ஆஸ்திரேலியாவை வீழ்த்த வேண்டிய கட்டாயத்தில் வெஸ்ட் இண்டீஸ் உள்ளது. சூப்பர் பார்மில் உள்ள கெய்ல், இன்றும் அசத்தும் பட்சத்தில் வெஸ்ட் இண்டீசின் கனவு நனவாகும். அதே சமயம் அணியின் மற்ற வீரர்களும் சாதிக்க வேண்டியது அவசியம்.

இந்திய அணியின் உலககோப்பை கனவுக்கு அடி! *வெஸ்ட் இண்டீசிடம் தோல்வி

"டுவென்டி-20' உலக கோப்பை "சூப்பர்-8' போட்டியில் வெஸ்ட் இண்டீசிடம், இந்திய அணி 14 ரன்கள் வித்தியாசத்தில் வீழ்ந்தது. இதையடுத்து இந்திய அணியின் அரையிறுதி வாய்ப்பு ஏறக்குறைய முடிவுக்கு வந்ததால், கோப்பை கனவு தகர்ந்தது. 98 ரன்கள் விளாசிய வெஸ்ட் இண்டீஸ் கேப்டன் கெய்ல், தனது அணியின் வெற்றிக்கு கைகொடுத்தார்.
வெஸ்ட் இண்டீசில் மூன்றாவது "டுவென்டி-20' உலக கோப்பை கிரிக்கெட் தொடர் நடக்கிறது. இதன் "சூப்பர்-8' சுற்று, "எப்' பிரிவு போட்டியில் இந்திய அணி, வெஸ்ட் இண்டீசை சந்தித்தது. இதில் வென்றால் மட்டுமே அரையிறுதி வாய்ப்பை தக்கவைக்க முடியும் என்ற நிலையில் இரு அணிகளும் களமிறங்கின.
நேற்று முன்தினம் இரவு பெய்த மழை காரணமாக போட்டி அரைமணி நேரம் தாமதமாக துவங்கியது. "டாஸ்' வென்ற இந்திய அணியின் கேப்டன் தோனி, மீண்டும் "பீல்டிங்' தேர்வு செய்து அதிர்ச்சி அளித்தார்.

சிறந்த துவக்கம்:
வெஸ்ட் இண்டீஸ் அணிக்கு கெய்ல், சந்தர்பால் சிறப்பான துவக்கம் கொடுத்தனர். சந்தர்பால் "அடக்கி' வாசித்தார். மறுபக்கம் புயல் வேகத்தில் ஆடிய கெய்ல், இந்திய பந்துவீச்சை சிதறடித்தார். யூசுப் பதானின் பந்தில், இத்தொடரின் இமாலய சிக்சரை (112 மீ.,) பதிவு செய்தார். சந்தர்பால் 23 ரன்கள் எடுத்தார்.

ஜடேஜா ஏமாற்றம்:
பின் கெய்லுடன் டேரன் சமி ஜோடி சேர்ந்தார். ரவிந்திர ஜடேஜாவுக்கு, வேறுவழியின்றி வாய்ப்பு கொடுத்தார் தோனி. இந்த ஓவரில் கெய்ல், சமி தலா ஒரு சிக்சர் அடித்து மிரட்டினர். தனது இரண்டாவது ஓவரில் ஒருவழியாக சமியை (19), ஜடேஜா அவுட்டாக்கினார்.

நழுவிய சதம்:
46 ரன்கள் எடுத்த நிலையில் நெஹ்ரா பந்தில் தப்பிய கெய்ல், பவுண்டரி அடித்து அரைசதம் கடந்தார். தொடர்ந்து இவர் சிக்சர்களாக விளாச, ஸ்கோர் மின்னல் வேகத்தில் <உயர்ந்தது. போலார்டு, 17 ரன்கள் எடுத்தார். சதம் அடிப்பார் என எதிர்பார்க்கப்பட்ட கெய்ல், 98 ரன்னில் (7 சிக்சர், 5 பவுண்டரி) ரன் அவுட்டானார். வெஸ்ட் இண்டீஸ் அணி 20 ஓவரில் 6 விக்கெட் இழப்புக்கு 169 ரன்கள் எடுத்தது.

விக்கெட் சரிவு:
சவாலான இலக்கை விரட்டிய இந்திய அணியின் பேட்ஸ்மேன்கள் வெஸ்ட் இண்டீஸ் "வேகங்களிடம்' சரண் அடைந்தனர். தேவையற்ற "ஷாட்' அடித்து விக்கெட்டுகளை வீணாக பறிகொடுத்தனர். துவக்கத்தில் முரளி விஜய் (7) ஏமாற்றினார். காம்பிர் (14) மறுபடியும் "ஷார்ட் பிட்ச்' பந்தில் வெளியேறினார். ரோகித் சர்மா, 5 ரன்னில் சர்ச்சைக்குரிய முறையில் அவுட்டானார்.

ரெய்னா ஆறுதல்:
மூன்று விக்கெட்டுக்கு 38 ரன்கள் என, தடுமாறிய இந்திய அணிக்கு, பிராவோ ஓவரில் தலா ஒரு பவுண்டரி அடித்து ரெய்னா, யுவராஜ் ஜோடி ஆறுதல் அளித்தது. போலார்டு ஓவரில் ஒரு சிக்சர், 2 பவுண்டரி விளாசிய ரெய்னா (32), கெய்ல் சுழலில் வீழ்ந்தார். அடுத்த ஓவரில் யுவராஜ் (12), பென் சுழலில் சிக்கி, அதிர்ச்சி அளித்தார்.
இந்தியா தோல்வி:
பின் கேப்டன் தோனி, யூசுப் பதான் இணைந்து போராடினர். கெய்ல் ஓவரில் அடுத்தடுத்து 2 சிக்சர் அடித்த யூசுப் பதான் (17) வெளியேற, அணியின் தோல்வி <உறுதியானது. சற்று நம்பிக்கை தந்த தோனி (29) ரன் அவுட்டானார். ஹர்பஜன் (14), ஜடோஜாவும் (5*), ஏமாற்ற இந்திய அணி, 20 ஓவரில் 9 விக்கெட்டுக்கு 155 ரன்கள் எடுத்து, 14 ரன்கள் வித்தியாசத்தில் தோல்வியடைந்தது. ஆட்டநாயகன் விருதை கெய்ல், தட்டிச் சென்றார்.

ஜடேஜா தேவையா?
ஆஸ்திரேலியாவுக்கு எதிராக சொதப்பிய ரவிந்திர ஜடேஜாவுக்கு மீண்டும் வாய்ப்பு அளித்து வெறுப்பேற்றினர். இம்முறையும் படுமோசமாக செயல்பட்டார். சந்தர்பால் கொடுத்த சுலப "கேட்ச்சை' கோட்டைவிட்டார். அப்போது 12 ரன் எடுத்திருந்த சந்தர்பால், பின் 23 ரன்கள் எடுத்தார் ஆஸ்திரேலியாவுக்கு எதிராக 2 ஓவரில் 38 ரன்கள் விட்டுக்கொடுத்த ஜடேஜா, நேற்று 2 ஓவரில் 27 ரன்கள் (3 சிக்சர்) கொடுத்தார்.

பீல்டிங் சொதப்பல்
இந்திய அணியின் பீல்டிங் படுமோசமாக இருந்தது. நெஹ்ரா பந்தை தூக்கி அடித்தார் கெய்ல். இதனை பிடிக்க தோனி ஓடி வந்தார். மறுபக்கத்தில் இருந்து தேவையில்லாமல் பாய்ந்து வந்த யூசுப் பதான் தோனி மீது விழ, கேட்ச் வாய்ப்பு பறிபோனது. அப்போது 46 ரன் எடுத்திருந்த கெய்ல், பின் 98 ரன்கள் எடுத்து இந்திய வீழ்ச்சிக்கு முக்கிய காரணமாக இருந்தார்.

சர்ச்சை கிளப்பிய ரோகித்
போலார்டு பந்தை ரோகித் சர்மா அடிக்க, அதனை பிடித்த வெஸ்ட் இண்டீஸ் கீப்பர் ராம்தின் "அவுட்' கேட்டார். அம்பயர் பில்லி பவுடன் (நியூசி.,) உடனே கையை உயர்த்த அதிர்ச்சி அடைந்தார் ரோகித். பந்து முழங்கையில் பட்டு சென்றதாக கூறிய இவர், மூன்றாவது நடுவரிடம் கேட்கும்படி வாதிட்டார். "ரீப்ளேயில்' ரோகித் சொன்னது தான் சரியாக இருந்தது. ஆனால் பவுடன், தனது தவறான தீர்ப்பை, நியாயம் செய்து ரோகித்தை வெளியேற்றினார். அம்பயர் தீர்ப்புக்கு எதிர்த்து வாதிடுவது குற்றம். இதற்காக ரோகித் சர்மாவுக்கு அபராதம் அல்லது தடை விதிக்கப்படலாம்.
* இதே ஓவரின் முதல் பந்தை போலார்டு சரியாக வீசினார். ஆனால் அம்பயர் பில்லி பவுடன் "வைடு' கொடுத்தார். இப்படி இவரது மோசமான தீர்ப்புகள் தொடர்ந்தது.

திருந்தாத தோனி
ஆஸ்திரேலியாவுக்கு எதிரான "சூப்பர்-8' போட்டியில் "டாஸ்' வென்ற இந்திய கேப்டன் தோனி "பீல்டிங்' தேர்வு செய்து தோல்வியடைந்தார். நேற்றும் இதே தவறை செய்தார். தவிர, மீண்டும் ரவிந்திர ஜடேஜாவுக்கு வாய்ப்பு அளித்த தவறு மேல் தவறு செய்தார்.

வாய்ப்பு கிடைக்குமா?
"சூப்பர்-8' சுற்றில் குறைந்தது இரண்டு போட்டிகளில் வென்றால், அரையிறுதிக்கு எளிதாக தகுதி பெறலாம். இந்தியாவை பொறுத்தவரை ஆஸ்திரேலியா, வெஸ்ட் இண்டீசிடம் தோல்வி அடைந்தால், வாய்ப்பை அனேகமாக இழந்து விட்டது. இனி இந்திய அணி, ஏதாவது அதிசயம் நடந்தால் அரையிறுதிக்கு தகுதி பெறலாம். முதலில் ஆஸ்திரேலிய அணி, இலங்கை அணியை வீழ்த்த வேண்டும். பின்னர் நாளை நடக்க உள்ள, இலங்கை அணிக்கு எதிரான போட்டியில் இந்தியா மிகப்பெரிய வித்தியாசத்தில் வெற்றி பெற வேண்டும். இதே போல, வெஸ்ட் இண்டீஸ் அணி, ஆஸ்திரேலியாவிடம் படுமோசமான தோல்வியை சந்திக்க வேண்டும். இவை இரண்டும் நடந்தால், ரன்-ரேட் அடிப்படையில் இந்திய அணிக்கு வாய்ப்பு கிடைக்கலாம்.

ஸ்கோர் போர்டு
வெஸ்ட் இண்டீஸ்
கெய்ல் ரன்-அவுட்(சப்-கார்த்திக்/தோனி) 98(66)
சந்தர்பால் (கே)தோனி (ப)நெஹ்ரா 23(29)
சமி (கே)விஜய் (ப)ஜடேஜா 19(10)
போலார்டு (கே)யூசுப் (ப)ஜாகிர் 17(11)
பிராவோ (கே)ரோகித் (ப)நெஹ்ரா 1(2)
சர்வான் (கே)ரோகித் (ப)நெஹ்ரா 0(1)
ஹிண்ட்ஸ் -அவுட் இல்லை- 0(0)
ராம்தின் -அவுட் இல்லை- 4(2)
உதிரிகள் 7
மொத்தம் (20 ஓவரில், 6 விக்.,) 169
விக்கெட் வீழ்ச்சி: 1-80(சந்தர்பால்), 2-119(சமி), 3-160(போலார்டு), 4-163(பிராவோ), 5-164(சர்வான்), 6-165(கெய்ல்).
பந்துவீச்சு: ஹர்பஜன் 4-0-16-0, ஜாகிர் 4-0-36-1, நெஹ்ரா 4-0-35-3, யூசுப் 4-0-28-0, ரெய்னா 2-0-23-0, ஜடேஜா 2-0-27-1.
இந்தியா
விஜய் (கே)போலார்டு (ப)சமி 7(14)
காம்பிர் (கே)ராம்தின் (ப)ரோச் 15(14)
ரெய்னா (கே)சமி (ப)கெய்ல் 32(25)
ரோகித் (கே)ராம்தின் (ப)போலார்டு 5(8)
யுவராஜ் (கே)சந்தர்பால் (ப)பென் 12(14)
தோனி ரன்-அவுட்(பிராவோ) 29(18)
யூசுப் (கே)ஹிண்ட்ஸ் (ப)டெய்லர் 17(10)
ஹர்பஜன் (கே)பிராவோ (ப)ரோச் 14(10)
ஜடேஜா -அவுட் இல்லை- 5(6)
நெஹ்ரா (கே)பென் (ப)பிராவோ 0(2)
ஜாகிர் -அவுட் இல்லை- 0(1)
உதிரிகள் 19
மொத்தம் (20 ஓவரில், 9 விக்.,) 155
விக்கெட் வீழ்ச்சி: 1-12(விஜய்), 2-27(காம்பிர்), 3-38(ரோகித்), 4-80(ரெய்னா), 5-81(யுவராஜ்), 6-114(யூசுப்), 7-139(தோனி), 8-150(ஹர்பஜன்), 9-152(நெஹ்ரா).
பந்துவீச்சு: சமி 3-0-16-1, டெய்லர் 4-0-24-1, ரோச் 4-0-38-2, பிராவோ 4-0-28-1, போலார்டு 2-0-23-1, கெய்ல் 2-0-22-1, பென் 1-0-2-1.

பாக்., - நியூசி., இன்று பலப்பரீட்சை

இன்றைய "சூப்பர்-8' போட்டியில் பாகிஸ்தான், நியூசிலாந்து அணிகள் மோதுகின்றன. இரு அணிகளும் தங்களது முதல் "சூப்பர்-8' போட்டியில் தோல்வியடைந்ததால், இன்று வெற்றி பெற வேண்டிய கட்டாயத்தில் உள்ளன.

வெஸ்ட் இண்டீசில், மூன்றாவது "டுவென்டி-20' உலக கோப்பை கிரிக்கெட் தொடர் நடக்கிறது. இன்று நடக்கும் "இ' பிரிவு "சூப்பர்-8' போட்டியில் பாகிஸ்தான், நியூசிலாந்து அணிகள் பலப்பரீட்சை மேற்கொள்கின்றன.

பாக்., ஆதிக்கம்: சர்வதேச "டுவென்டி-20' கிரிக்கெட் அரங்கில், பாகிஸ்தான்-நியூசிலாந்து அணிகள் நான்கு முறை மோதியுள்ளன. இதில் பாகிஸ்தான் அணி, நான்கு போட்டியிலும் வெற்றி பெற்று ஆதிக்கம் செலுத்தி வருகிறது.

பீல்டிங் கவலை: நடப்பு சாம்பியன் அந்தஸ்துடன் களமிறங்கியுள்ள பாகிஸ்தான் அணி, இதுவரை சொல்லிக் கொள்ளும்படி விளையாடவில்லை. நேற்று முன்தினம் நடந்த "சூப்பர்-8' போட்டியில் பாகிஸ்தான் அணி, இங்கிலாந்து அணியிடம் 6 விக்கெட் வித்தியாசத்தில் தோல்வியடைந்தது. இதற்கு இந்த அணியின் மோசமான பீல்டிங் முக்கிய காரணம். சுலப கேட்ச், ரன்-அவுட் வாய்ப்புகளை பாகிஸ்தான் அணியினர் வீணடித்தனர்.

இத்தொடரில் மிகவும் எதிர்பார்க்கப்பட்ட கேப்டன் அப்ரிதி, சோபிக்காதது பின்னடைவை ஏற்படுத்துகிறது. சல்மான் பட், கம்ரான் அக்மல் பொறுப்பாக ஆடுவது, ஆறுதல் அளிக்கிறது. சுழலில் அஜ்மல் நம்பிக்கை அளிக்கிறார். இவருக்கு மற்ற பவுலர்கள் ஒத்துழைப்பு அளித்தால் நல்லது. கட்டாய வெற்றியை நோக்கி களமிறங்கும் பாகிஸ்தான் அணியினர், முழுதிறமையை வெளிப்படுத்தினால் சுலப வெற்றி பெறலாம்.

சாதிப்பாரா மெக்கலம்: நேற்று முன்தினம் நடந்த "சூப்பர்-8' போட்டியில் நியூசிலாந்து அணி, தென் ஆப்ரிக்காவிடம் 13 ரன்கள் வித்தியாசத்தில் அதிர்ச்சி தோல்வியடைந்தது. இதனால் அரையிறுதிக்கு முன்னேற, இன்றைய போட்டியில் வெற்றி பெற வேண்டிய கட்டாயத்தில் களமிறங்குகிறது. நியூசிலாந்து அணியின் பேட்டிங் வரிசை பலமாக இருந்த போதிலும், அதிரடி துவக்க வீரர் பிரண்டன் மெக்கலம் சோபிக்காதது ஏமாற்றம். இன்றைய போட்டியில் பிரண்டன் மெக்கலம், ஜெசி ரைடர், ரோஸ் டெய்லர் உள்ளிட்டோர் அதிரடி காட்டினால் நல்லது. சுழலில் வெட்டோரி, சாதிக்க வேண்டும்.
இரு அணியினரும் கட்டாய வெற்றியை நோக்கி களமிறங்குவதால், சுவாரஸ்யமான போட்டியை காண வாய்ப்பு உள்ளது.

இந்திய அணி படுதோல்வி! * வார்னர் அதிரடியில் ஆஸி., அபாரம் * ரோகித் சர்மா ஆறுதல்

"டுவென்டி'-20 உலக கோப்பை தொடரின் "சூப்பர்-8' சுற்றை இந்திய அணி படுமோசமாக துவக்கியுள்ளது. நேற்று நடந்த போட்டியில் ஆஸ்திரேலிய அணியிடம் 49 ரன்கள் வித்தியாசத்தில் பரிதாபமாக தோல்வி அடைந்தது. பேட்டிங், பீல்டிங், பவுலிங் என கிரிக்கெட்டின் அனைத்து துறைகளிலும் சொதப்பிய இந்திய அணி, மிகுந்த ஏமாற்றம் அளித்தது.

வெஸ்ட் இண்டீசில் "டுவென்டி-20' உலக கோப்பை தொடர் நடக்கிறது. நேற்று "எப்' பிரிவில் நடந்த "சூப்பர்-8' போட்டியில் இந்தியா, ஆஸ்திரேலிய அணிகள் மோதின.

மீண்டும் காம்பிர்: இந்திய அணியில் மூன்று மாற்றங்கள் செய்யப்பட்டன. தினேஷ் கார்த்திக், பியுஸ் சாவ்லா, பிரவீண் குமாருக்கு பதிலாக முறையே காம்பிர், ரோகித் சர்மா, ஜாகிர் கான் இடம் பெற்றனர். ஆஸ்திரேலிய அணியில் ரியான் ஹாரிஸ் நீக்கப்பட்டு, மிட்சல் ஜான்சன் வாய்ப்பு பெற்றார். டாஸ் வென்ற இந்திய கேப்டன் தோனி, சற்று வித்தியாசமாக "பீல்டிங்' தேர்வு செய்தார்.

"சிக்சர்' வாட்சன்: ஆஸ்திரேலிய அணிக்கு வாட்சன், வார்னர் இணைந்து அதிரடி துவக்கம் தந்தனர். ஹர்பஜன் வீசிய முதல் ஓவரில் வாட்சன் திணற, ஒரு ரன் கூட எடுக்க முடியவில்லை. இதற்கு பின் விஸ்வரூபம் எடுத்த வாட்சன், இந்திய பவுலர்களை ஒருகை பார்த்தார். ஐ.பி.எல்., அனுபவம் கைகொடுக்க சிக்சர்களாக விளாசித் தள்ளினார். ரவிந்திர ஜடேஜா ஓவரில் தொடர்ந்து மூன்று சிக்சர்கள் அடித்தார். மறுபக்கம் வார்னரும் வாணவேடிக்கை காட்டினார். ரவிந்திர ஜடேஜா சுழலில் இவரும் "ஹாட்ரிக்' சிக்சர்கள் அடிக்க, ஸ்கோர் "ஜெட்' வேகத்தில் பறந்தது. யூசுப் பந்தில் ஒரு இமாலய சிக்சர் அடித்த வாட்சன், "டுவென்டி-20' உலக கோப்பை அரங்கில் 2வது அரைசதம் கடந்தார். அடுத்த பந்தில் இவர் 54 ரன்களுக்கு(1 பவுண்டரி, 6 சிக்சர்) போல்டானார். முதல் விக்கெட்டுக்கு வார்னர்-வாட்சன் 104 ரன்கள் சேர்த்தனர்.

வார்னர் அசத்தல்: பின் யுவராஜ் வீசிய போட்டியின் 14வது ஓவரில் இரண்டு சிக்சர் அடித்த வார்னர் 72 ரன்களுக்கு(2 பவுண்டரி, 7 சிக்சர்) வெளியேறினார். யுவராஜ் சுழலில் ஹாடினும்(8) சிக்கினார். டேவிட் ஹசி 35 ரன்கள் எடுத்தார். இவரது சகோதரரான மைக்கேல் ஹசி(8) ஏமாற்ற, ரன் வேகம் குறைந்தது. இறுதியில் ஆஸ்திரேலிய அணி 20 ஓவரில் 5 விக்கெட்டுக்கு 184 ரன்கள் எடுத்தது.

நானஸ் மிரட்டல்: சவாலான இலக்கை விரட்டிய இந்திய அணி திணறல் துவக்கம் கண்டது. மணிக்கு சராசரியாக 148 கி.மீ., பந்துவீசிய நானஸ் "டாப்-ஆர்டரை' அப்படியே சாய்த்தார். இவரது வேகத்தில் முரளி விஜய்(2), காம்பிர்(9), யுவராஜ்(1) நடையை கட்டினர். இதற்கு பின் வந்தவர்களும் ஏனோதானோ என ஆடினர். படுமட்டமாக பேட் செய்த இவர்கள், ஒற்றை இலக்கத்தில் வெளியேறி அதிர்ச்சி அளித்தனர். டெய்ட் பந்தில் ரெய்னா(5) வீழ்ந்தார். ஸ்டீவன் ஸ்மித் சுழலில் கேப்டன் தோனி(2) அவுட்டானார். யூசுப் பதானும்(1) கைவிட்டார். பந்துவீச்சு, பீல்டிங்கில் சொதப்பிய ரவிந்திர ஜடேஜா(4) பரிதாபமாக ரன் அவுட்டானார். இவரை ஏன் தான் தேர்வு செய்தார்களோ?

ரோகித் ஆறுதல்: ஒருபக்கம் விக்கெட் சரிந்தாலும் மறுபக்கம் துணிச்சலாக போராடிய ரோகித் சர்மா, அரைசதம் கடந்து மானம் காத்தார். ஹர்பஜன் 13 ரன்கள் எடுத்தார். இறுதியில் இந்திய அணி 17.4 ஓவரில் 135 ரன்களுக்கு ஆல் அவுட்டாகி தோல்வி அடைந்தது. ரோகித் சர்மா 79 ரன்களுடன்(4 பவுண்டரி, 6 சிக்சர்) அவுட்டாகாமல் இருந்தார். ஆட்ட நாயகன் விருதை வார்னர் வென்றார்.
-----------------------------

ஸ்கோர் போர்டு

ஆஸ்திரேலியா

வாட்சன் (ப)யூசுப் பதான் 54(32)
வார்னர் (கே)தோனி (ப)யுவராஜ் 72(42)
டேவிட் ஹசி (கே)விஜய் (ப)நெஹ்ரா 35(22)
ஹாடின் (ஸ்டெம்)தோனி (ப)யுவராஜ் 8(7)
ஒயிட் -அவுட் இல்லை- 5(6)
மைக்கேல் ஹசி (ப)நெஹ்ரா 8(10)
ஸ்மித் -அவுட் இல்லை- 1(1)
உதிரிகள் 1
மொத்தம் (20 ஓவரில், 5 விக்.,) 184
விக்கெட் வீழ்ச்சி: 1-104(வாட்சன்), 2-142(வார்னர்), 3-166(ஹாடின்), 4-172(டேவிட் ஹசி), 5-183(மைக்கேல் ஹசி).
பந்துவீச்சு: ஹர்பஜன் 4-1-15-0, நெஹ்ரா 4-0-31-2, ஜடேஜா 2-0-38-0, ஜாகிர் 4-0-45-0, யூசுப் பதான் 4-0-35-1, யுவராஜ் 2-0-20-2.

இந்தியா

விஜய் (கே)ஒயிட் (ப)நானஸ் 2(7)
காம்பிர் (கே)மைக்கேல் ஹசி (ப)நானஸ் 9(10)
ரெய்னா (கே)கிளார்க் (ப)டெய்ட் 5(5)
ரோகித் -அவுட் இல்லை- 79(46)
யுவராஜ் (ப)நானஸ் 1(2)
தோனி (கே)டேவிட் ஹசி (ப)ஸ்மித் 2(8)
யூசுப் பதான் (கே)வார்னர் (ப)ஜான்சன் 1(5)
ஜடேஜா ரன்-அவுட்(டேவிட் ஹசி) 4(5)
ஹர்பஜன் (கே)டேவிட் ஹசி (ப)வாட்சன் 13(11)
ஜாகிர் (கே)கிளார்க் (ப)டெய்ட் 9(6)
நெஹ்ரா (ப)டெய்ட் 0(1)
உதிரிகள் 10
மொத்தம் (17.4 ஓவரில், ஆல்-அவுட்) 135
விக்கெட் வீழ்ச்சி: 1-10(விஜய்), 2-12(காம்பிர்), 3-17(ரெய்னா), 4-23(யுவராஜ்), 5-37(தோனி), 6-42(யூசுப் பதான்), 7-50(ஜடேஜா), 8-97(ஹர்பஜன்), 9-133(ஜாகிர்), 10-135(நெஹ்ரா).
பந்துவீச்சு: நானஸ் 4-0-25-3, டெய்ட் 3.4-0-21-3, வாட்சன் 3-0-31-1, ஜான்சன் 3-0-23-1, ஸ்மித் 4-0-34-1.

ஜெயவர்தனா அதிரடி: இலங்கை வெற்றி * வெஸ்ட் இண்டீஸ் பரிதாபம்

ஜெயவர்தனா அதிரடி கைகொடுக்க, வெஸ்ட் இண்டீசுக்கு எதிரான "டுவென்டி-20' உலககோப்பை, சூப்பர்-8 போட்டியில், இலங்கை அணி 57 ரன்கள் வித்தியாசத்தில் அபார வெற்றி பெற்றது.

வெஸ்ட் இண்டீசில் மூன்றாவது "டுவென்டி-20' உலககோப்பை கிரிக்கெட் தொடர் நடக்கிறது. சூப்பர்-8 சுற்றில் நேற்று நடந்த போட்டியில், குரூப்-எப் பிரிவில் இடம் பெற்ற வெஸ்ட் இண்டீஸ், இலங்கை அணிகள் மோதின. டாஸ் ஜெயித்த இலங்கை கேப்டன் சங்ககரா பேட்டிங் தேர்வு செய்தார்.

ஜெயசூர்யா "அவுட்': இலங்கை அணிக்கு ஜெயசூர்யா, ஜெயவர்தனா துவக்கம் தந்தனர். தொடர்ந்து பார்ம் இன்றி சொதப்பி வரும் ஜெயசூர்யா, நேற்றும் ஏமாற்றினார். இவர் ரோக் வேகத்தில் 6 ரன்களுக்கு அவுட்டானார்.

சூப்பர் ஜோடி: பின்னர் ஜெயவர்தனாவுடன், சங்ககரா இணைந்தார். இந்த ஜோடி வெஸ்ட் இண்டீஸ் பந்து வீச்சை நாலாபுறமும் சிதறடித்தது. "டுவென்டி-20' அரங்கில், ஜெயவர்தனா 4, சங்ககரா 6 வது அரை சதம் கடந்தனர். 3 சிக்சர், 5 பவுண்டரி உட்பட 68 ரன்கள் சேர்த்து வெளியேறினார் சங்ககரா. 2 வது விக்கெட்டுக்கு சங்ககரா, ஜெயவர்தனா ஜோடி 166 ரன்கள் குவித்து அசத்தியது.

சதம் நழுவல்: அடுத்து வந்த கபுகேதரா 6 ரன்களுக்கு அவுட்டாகி ஏமாற்றினார். மறுமுனையில் அதிரடி காட்டிய ஜெயவர்தனா சதமடிக்கும் வாய்ப்பை 2 ரன்களில் நழுவ விட்டார். இவர் அவுட்டாகாமல் 98 ரன்கள் (4 சிக்சர், 9 பவுண்டரி) குவிக்க, 20 ஓவர் முடிவில் 3 விக்கெட்டுகளை இழந்த இலங்கை அணி, 195 ரன்கள் சேர்த்தது.

வெஸ்ட் இண்டீஸ் ஏமாற்றம்:கடின இலக்கை வெஸ்ட் இண்டீஸ் அணிக்கு துவக்க வீரர்களான கெய்ல் (5), சந்தர்பால் (11) பெரும் ஏமாற்றம் அளித்தனர். அடுத்து வந்த சர்வான் (28), பிராவோ (23) ஆறுதல் அளித்தனர். பின்னர் களமிறங்கிய பிளட்சர் (16), போலார்டு (9), ஹிண்ட்ஸ் (5), சமி (2) ஆகியோர் ஒற்றை இலக்கங்களில் பெவிலியன் திரும்பினர். 20 ஓவர் முடிவில் 8 விக்கெட்டுகளை இழந்த வெஸ்ட் இண்டீஸ் அணி 138 ரன்கள் மட்டுமே எடுத்து தோல்வி அடைந்தது. ஆட்ட நாயகனாக இலங்கையின் ஜெயவர்தனா தேர்வு செய்யப்பட்டார்.

------------

ஸ்கோர் போர்டு

இலங்கை

ஜெயவர்தனா -அவுட் இல்லை- 98 (56)
ஜெயசூர்யா (கே) டெய்லர் (ப) ரோக் 6 (10)
சங்ககரா (கே) போலார்டு (ப) பிராவோ 68 (49)
கபுகேதரா (ப) ரோக் 6 (4)
தில்ஷன் -அவுட் இல்லை- 4 (1)
உதிரிகள் 13
மொத்தம் (20 ஓவரில் 3 விக்., இழப்பு) 195
விக்கெட் வீழ்ச்சி: 1-7 (ஜெயசூர்யா), 2-173 (சங்ககரா), 3-191 (கபுகேதரா).
பந்து வீச்சு: ரோக் 4-0-27-2, டெய்லர் 3-0-28-0, பிராவோ 3-0-36-1, பென் 4-0-41-0, சமி 2-0-23-0, போலார்டு 4-0-38-0.

வெஸ்ட் இண்டீஸ்

கெய்ல் (கே) மாத்யூஸ் (ப) குலசேகரா 5 (4)
சந்தர்பால் (கே) கபுகேதரா (ப) மாத்யூஸ் 11 (9)
சர்வான் (கே) + (ப) மெண்டிஸ் 28 (33)
பிராவோ (கே) மாத்யூஸ் (ப) மலிங்கா 23 (23)
பிளட்சர் (ப) மலிங்கா 16 (18)
போலார்டு (கே) கபுகேதரா (ப) மெண்டிஸ் 9 (10)
சமி எல்.பி.டபிள்யு., (ப) மலிங்கா 2 (3)
ஹிண்ட்ஸ் எல்.பி.டபிள்யு., (ப) மலிங்கா 5 (7)
டெய்லர் -அவுட் இல்லை- 16 (9)
பென் -அவுட் இல்லை- 6 (4)
உதிரிகள் 17
மொத்தம் (20 ஓவரில் 8 விக்., இழப்பு) 138
விக்கெட் வீழ்ச்சி: 1-22 (சந்தர்பால்), 2-23 (கெய்ல்), 3-76 (பிராவோ), 4-82 (சர்வான்), 5-99 (போலார்டு), 6-110 (பிளட்சர்), 7-116 (ஹிண்ட்ஸ்), 8-122 (சமி).
பந்து வீச்சு: குலசேகரா 4-0-27-1, மாத்யூஸ் 2-0-13-1, மெண்டிஸ் 4-0-24-3, பெரேரா 2-0-13-0, முரளிதரன் 4-0-26-0, மலிங்கா 4-0-28-3.

ரோகித் சர்மா துணிச்சல் ஆட்டம் : இந்தியா போராடி தோல்வி

ஒன்மேன் ஆர்மியாக ரோகித் சர்மா துணிச்சலுடன் போராட, ஆஸி.,க்கெதிரான உலக கோப்பை டுவென்டி-20 சூப்பர் 8 ஆட்டத்தில் இந்திய அணி போராடி தோல்வியடைந்தது. 3வது உலக கோப்பை டுவென்டி-20 போட்டிகள் வெஸ்ட் இண்டீசில் நடந்து வருகிறது. லீக் சுற்றுகள் முடிவடைந்த நிலையில், சூப்பர் 8 ஆட்டங்கள் நடந்து வருகின்றன. பார்படாசில் நடந்த சூப்பர் 8 போட்டி ஒன்றில் முன்னாள் சாம்பியன் இந்தியா, ஆஸி.,யை எதிர்கொண்டது. டாஸ் வென்ற இந்திய அணியின் கேப்டன் தோனி, பீல்டிங்கை தேர்வு செய்தார்.

இதையடுத்து ஆஸி., அணியின் துவக்க ஆட்டக்காரர்களாக வாட்சனும், வார்னரும் களமிறங்கினர். ஆரம்பம் முதலே அடித்து ஆட ஆரம்பித்த அந்த ஜோடியை பிரிக்க இந்திய அணியினர் எடுத்த முயற்சி வீணானது. பந்துவீச்சுக்கு சாதகமானது என்று கருதப்பட்ட மைதானத்தில் அந்த ஜோடியின் ஆட்டம் இந்திய வீரர்களை திகைக்க வைத்தது. முதல் விக்கெட்டுக்கு 104 ரன்களை குவித்த அந்த ஜோடியை பதான் பிரித்தார். வாட்சன் 54 ரன்களையும், வார்னர் 72 ரன்களையும் எடுத்து ஆஸி., அணிக்கு வலுவான அடித்தளம் அமைத்துக்கொடுத்தனர். தொடர்ந்து ஹாடின் 8 ரன்களுக்கும், ஹசி 35 ரன்களுக்கும் ஆட்டமிழந்தனர். இறுதியில் ஆஸி., நிர்ணயிக்கப்பட்ட 20 ஓவரில் 5 விக்கெட்டுகளை இழந்து 184 ரன்களை குவித்தது. இந்திய தரப்பில் நெஹ்ரா மற்றும் யுவராஜ் தலா 2 விக்கெட்டுகளை எடுத்தனர்.

185 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணியினருக்கு ஏனோ இன்று மைதானத்தில் நிற்கவே பிடிக்க வி‌ல்லை போலும். விஜய் 2, காம்பிர் 9, ரெய்னா 5, யுவராஜ் 1, தோனி 2, பதான் 1, ஜடேஜா 4 என ஒற்றை இலக்க ரன்களில் அடுத்தடுத்து அவுட்டாகி வெகுவிரைவாக பெவிலியன் திரும்பினர். இறுதியில் ரோகித் சர்மா மட்டும் துணிச்சலுடன் விளையாடினார். ஆஸி., பந்து வீச்சை பவுண்டரிகளாகவும், சிக்சர்களாகவும் சிதறடித்த அவர், 46 பந்துகளில் 79 ரன்களை எடுத்தார். இறுதியில் இந்திய அணி, 17.4 ஓவரில் அனைத்து விக்கெட்டுகளையும் இழந்து 135 ரன்களை எடுத்து 49 ரன்கள் வித்தியாசத்தில் தோல்வியடைந்தது.

தென் ஆப்ரிக்கா அசத்தல் வெற்றி * நியூசி., ஏமாற்றம்

நியூசிலாந்து அணிக்கு எதிரான "டுவென்டி-20' உலககோப்பை, சூப்பர்-8 சுற்றுப் போட்டியில், அபாரமாக ஆடிய தென் ஆப்ரிக்க அணி 13 ரன்கள் வித்தியாசத்தில் வெற்றி பெற்றது.
வெஸ்ட் இண்டீசில் மூன்றாவது "டுவென்டி-20' உலககோப்பை கிரிக்கெட் தொடர் நடக்கிறது. நேற்று நடந்த சூப்பர்-8 சுற்றுப் போட்டியில், குரூப் "இ' பிரிவில் இடம் பெற்ற தென் ஆப்ரிக்கா, நியூசிலாந்து அணிகள் மோதின. டாஸ் ஜெயித்த தென் ஆப்ரிக்கா பேட்டிங் தேர்வு செய்தது.

ஸ்மித் ஏமாற்றம்: தென் ஆப்ரிக்கா அணிக்கு காலிஸ், ஸ்மித் துவக்கம் தந்தனர். வெறும் 14 ரன்கள் எடுத்திருந்த நிலையில், சோதி வேகத்தில் வீழ்ந்தார் ஸ்மித். 2 சிக்சர்களை விளாசிய காலிஸ், 31 ரன்கள் சேர்த்து வெளியேறினார். அடுத்து வந்த கிப்ஸ், தனது பங்கிற்கு 30 ரன்கள் (2 சிக்சர், ஒரு பவுண்டரி) எடுத்தார்.

சூப்பர் ஜோடி: பின்னர் டிவிலியர்ஸ், ஆல்பி மார்கல் இணைந்தனர். இந்த ஜோடியின் அபார ஆட்டம், தென் ஆப்ரிக்காவின் ரன் குவிப்புக்கு உதவியது. இந்த ஜோடியை அவுட்டாக்க முடியாமல் திணறியது நியூசிலாந்து. சோதி வீசிய ஆட்டத்தின் 19 வது ஓவரில் 3 சிக்சர்களை விளாசினார் ஆல்பி மார்கல். இவர் 40 ரன்களுக்கு (5 சிக்சர்) அவுட்டானார். டிவிலியர்ஸ் (47*), ஆல்பி ஜோடி 4 வது விக்கெட்டு 72 ரன்கள் குவிக்க, 20 ஓவர் முடிவில் 4 விக்கெட்டுகளை இழந்த தென் ஆப்ரிக்க அணி, 170 ரன்கள் எடுத்தது. நியூசிலாந்து தரப்பில் நாதன் மெக்கலம், சோதி, ஓரம் ஆகியோர் தலா ஒரு விக்கெட் வீழ்த்தினர்.

ரைடர் ஆறுதல்: கடின இலக்கை விரட்டிய நியூசிலாந்து அணி, பிரண்டன் மெக்கலம் (6) விக்கெட்டை விரைவில் இழந்தது. ரைடர் 33 ரன்கள் (2 பவுண்டரி, 2 சிக்சர்) சேர்த்து அசத்தினார். கப்டில் (18), டெய்லர் (19), ஸ்டைரிஸ் (13) பெரிய அளவில் சோபிக்க தவறினர். அதிகம் எதிர்பார்க்கப்பட்ட ஓரம், டக்-அவுட்டானார். பின்வரிசையில் நாதன் மெக்கலம் (26*), வெட்டோரி(10*) ஆகியோர் வெற்றிக்குப் போராடினர். இருப்பினும் பலன் கிடைக்க வில்லை. 20 ஓவரில் 7 விக்கெட்டுகளை இழந்த நியூசிலாந்து அணி 157 ரன்கள் மட்டுமே எடுத்து தோல்வி அடைந்தது.

---------

ஸ்கோர் போர்டு

தென் ஆப்ரிக்கா

காலிஸ் (கே) சோதி (ப) ஓரம் 31 (26)
ஸ்மித் (கே) கப்டில் (ப) சோதி 14 (12)
கிப்ஸ் (கே) பிரண்டன் மெக்கலம் (ப) நாதன் 30 (24)
டிவிலியர்ஸ் -அவுட் இல்லை- 47 (39)
ஆல்பி மார்கல் -ரன் அவுட் (ஹாப்கின்ஸ்) 40 (18)
பவுச்சர் -அவுட் இல்லை- 0 (1)
உதிரிகள் 8
மொத்தம் (20 ஓவரில் 4 விக்., இழப்பு) 170
விக்கெட் வீழ்ச்சி: 1-40 (ஸ்மித்), 2-55 (காலிஸ்), 3-97 (கிப்ஸ்), 4-169 (ஆல்பி மார்கல்).
பந்து வீச்சு: நாதன் மெக்கலம் 4-0-35-1, பாண்ட் 4-0-33-0, சோதி 3-0-39-1, ஓரம் 3-0-22-1, வெட்டோரி 4-0-21-0, ஸ்டைரிஸ் 2-0-14-0.

நியூசிலாந்து

பிரண்டன (கே) கிப்ஸ் (ப) லாங்கிவெல்ட் 6 (5)
ரைடர் (கே) டிவிலியர்ஸ் (ப) போத்தா 33 (28)
கப்டில் (கே) ஆல்பி மார்கல் (ப) போத்தா 18 (19)
டெய்லர் (கே) கிப்ஸ் (ப) மோர்ன் 19 (16)
ஸ்டைரிஸ் (கே) கிப்ஸ் (ப) லாங்கிவெல்ட் 13 (12)
ஹாப்கின்ஸ் (கே) ஸ்டைன் (ப) மோர்ன் 18 (13)
ஓரம் எல்.பி.டபிள்யு., (ப) ஸ்டைன் 0 (2)
நாதன் -அவுட் இல்லை- 26 (17)
வெட்டோரி -அவுட் இல்லை- 10 (10)
உதிரிகள் 14
மொத்தம் (20 ஓவரில் 7 விக்., இழப்பு) 157
விக்கெட் வீழ்ச்சி: 1-7 (பிரண்டன்), 2-51 (கப்டில்), 3-67 (ரைடர்), 4-87 (டெய்லர்), 5-109 (ஸ்டைரிஸ்), 6-110 (ஓரம்), 7-123 (ஹாப்கின்ஸ்).
பந்து வீச்சு: லாங்கிவெல்ட் 4-0-39-2, ஸ்டைன் 4-0-25-1, மோர்ன் மார்கல் 4-0-27-2, காலிஸ் 4-0-23-0, போத்தா 3-0-23-2, ஆல்பி மார்கல் 1-0-13-0.

'டுவென்டி-20' உலககோப்பை 'சூப்பர்-8': இங்கிலாந்து, தென் ஆப்ரிக்கா வெற்றி

'டுவென்டி-20' உலககோப்பை கிரிக்கெட் தொடரின் லீக் போட்டிகள் முடிவுற்ற நிலையில் 'சூப்பர்-8' போட்டிகள் துவங்கின. பாகிஸ்தானுக்கு எதிரான போட்டியில் இங்கிலாந்தும், நியூசிலாந்திற்கு எதிரான போட்டியில் தென் ஆப்ரிக்காவும் வெற்றி பெற்றன.

வெஸ்ட் இண்டீசில் மூன்றாவது 'டுவென்டி-20' உலககோப்பை கிரிக்கெட் தொடர் நடக்கிறது. லீக் போட்டிகள் முடிவடைந்த நிலையில், நேற்று சூப்பர்-8 சுற்றுப் போட்டிகள் துவங்கின. முதல் போட்டியில் குரூப் 'இ' பிரிவில் இடம் பெற்ற நடப்பு சாம்பியன் பாகிஸ்தான், இங்கிலாந்து அணிகள் மோதின. 'டாஸ்' ஜெயித்த இங்கிலாந்து கேப்டன் கோலிங்வுட் பீல்டிங் தேர்வு செய்தார்.

சல்மான் ஆறுதல்: முதலில் பேட் செய்த பாகிஸ்தான் அணிக்கு கம்ரான் அக்மல், சல்மான் பட் துவக்கம் தந்தனர். சைட்பாட்டம் வீசிய ஆட்டத்தின் முதல் பந்தி லேயே சிக்சர் அடித்து அதிரடியை துவக்கினார் கம்ரான். ஆனால் இவரது (15) ஆட்டம் நீண்ட நேரம் நிலைக்க வில்லை. பொறுப்பான ஆட்டத்தை வெளிப்படுத்திய சல்மான் பட் 34 ரன்கள் (3 பவுண் டரி, 1 சிக்சர்) சேர்த்து வெளியேறினார். ஹபீஸ் (18) பெரிய அளவில் சோபிக்க வில்லை.

அப்ரிதி 'அவுட்': பின்னர் வந்த கேப்டன் அப்ரிதி (0), ஒரு ரன் எடுக்க ஆசைப்பட்டு, வீணாக ரன்-அவுட்டானார். மிஸ்பா (13) ஏமாற்றினார். சற்று நேரம் தாக்குப் பிடித்து ஆடிய உமர் அக்மல் (30) ஆறுதல் அளித்தார். பின்வரிசையில் அப்துல் ரசாக் (10), பவத் ஆலம் (1), ஆமர் (3) ஆகியோர் சொதப்பினர். கடைசி கட்டத்தில் சயீத் அஜ்மல் (13) ஒரு பவுண்டரி, ஒரு சிக்சர் அடிக்க, 20 ஓவர் முடிவில் 9 விக்கெட்டுகளை இழந்த பாகிஸ்தான் அணி, 147 ரன்கள் சேர்த்தது.

நல்ல துவக்கம்: சுலப இலக்கை விரட்டிய இங்கிலாந்து அணிக்கு லம்பின் அதிரடி, நல்ல துவக்கமாக அமைந்தது. முகமது ஆசிப் வீசிய ஆட்டத்தின் 4 வது ஓவரில், ஒரு சிக்சர், 3 பவுண்டரி களை விளாசினார் லம்ப். இவர் 25 ரன்களுக்கு அவுட்டானார். மற்றொரு துவக்க வீரர் கீஸ்வெட்டர் (25) ஆறுதல் அளித்தார்.

பீட்டர்சன் விளாசல்: பின் வந்த பீட்டர்சன், பாகிஸ்தானின் பந்து வீச்சை நாலாபுறமும் சிதறடித்தார். இவருடன் இணைந்த கேப்டன் கோலிங்வுட் 16 ரன்களுக்கு அவுட்டானார். மார்கன் (5) சோபிக்க தவறினார். அபாரமாக ஆடிய பீட்டர்சன், 'டுவென்டி-20' அரங்கில் 4 வது அரை சதம் கடந்தார். 2 சிக்சர், 7 பவுண்டரி உட்பட இவர் 70 ரன்கள் குவிக்க, 19.3 ஓவர் முடிவில் இங்கிலாந்து அணி 148 ரன்கள் சேர்த்து வெற்றி பெற்றது.

'வில்லன்' அஜ்மல் : நேற்று பாகிஸ்தான் அணி-யின் பீல்டிங் படுமட்டமாக இருந்தது. அதிலும், சயீத் அஜ்மல் 3 'கேட்ச்' வாய்ப்பு-களை வீண-டித்தார். இங்கி-லாந்து துவக்க வீரர் கீஸ்வெட்டர், கொடுத்த 2 'கேட்ச்' வாய்ப்பு-களை கோட்டை விட்டார். ஒரு முறை கீஸ்வெட்டர் ரன் எது-வும் எடுக்க வில்லை. மற்றொரு முறை 3 ரன்கள் எடுத்தி-ருந்தார். இத-னைப் பயன்ப-டுத்திக் கொண்ட இவர், 25 ரன்கள் சேர்த்தார். இங்கி-லாந்தின் மற்றொரு துவக்க வீரர் லம்ப் கொடுத்த, கேட்சை-யும் நழுவ விட்டு பாகிஸ்தா-னுக்கு பெரும் ஏமாற்றம் அளித்தார்.

நெருக்கடி : பாகிஸ்தான் அணி அடுத்து நடக்க உள்ள நியூசிலாந்து, தென் ஆப்ரிக்க அணிகளுக்கு எதிரான போட்டியில் கட்டாய வெற்றி பெற வேண்டும். அப்போது தான் அரையிறுதிக்கு முன்னேற முடியும்.

நியூசிலாந்து - தென் ஆப்பிரிக்கா போட்டி : பார்படாஸ்: தென் ஆப்பிரிக்கா- நியூசிலாந்திற்கிடையே பரப்பரப்பாக நடந்த ஆட்டத்தில் தென் ஆப்பிரிக்கா 13 ரன்னில் வெற்றி பெற்றது. 'டுவென்டி-20' உலக கோப்பை தொடரில் லீக் போட்டிகள் முடிந்து, விறு விறுப்பான 'சூப்பர்-8' போட்டிகள் இன்று துவங்கின. இன்றைய 2-வது போட்டியில் நியூசிலாந்து அணி தென் ஆப்பிரிக்கா அணியை எதிர்கொண்டது. இதில் டாஸ் வென்ற தென் ஆப்பிரிக்கா முதலில் பேட் செய்ய முடிவு செய்தது. இதன்படி களமிறஙகிய தென் ஆப்பிரிக்கா 20 ஓவரில் 4 விக்கெட் இழப்பிற்கு 170 ரன் எடுத்தது. அதிகபட்சமாக டிவிலியர்ஸ் 47 ரன்னும் மார்கல் 40 ரன்னும் சேர்த்தனர். 171 ரன் வெற்றி இலக்காக கொண்டு அடுத்து களமிறங்கிய நியூசிலாந்து அணி 20 ஓவரில் 7 விக்கெட்டுகளை இழந்து 157 ரன் மட்டுமே எடுத்து தோல்வியுற்றது. நியூசிலாந்து அணியின் ரைடர் 33 ரன் எடுத்தார் ,நாதன் மெக்கல்லம் ஆட்டமிழக்காமல் 26 ரன்களும் வெட்டோரி 10 ரன்களும் எடுத்து வெற்றி போராடினர். இறுதியில் தென்ஆப்பிரிக்கா 13 ரன்னில் வெற்றி பெற்றது.

ஆஸ்திரேலியா அசத்தல் வெற்றி* வெளியேறியது வங்கதேசம்

வங்கதேசத்துக்கு எதிரான "டுவென்டி-20' உலககோப்பை லீக் போட்டியில், 27 ரன்கள் வித்தியாசத்தில் ஆஸ்திரேலியா அசத்தல் வெற்றி பெற்றது. லீக் சுற்றின் 2 போட்டிகளிலும் தோல்வி அடைந்த வங்கதேச அணி, உலககோப்பையிலிருந்து வெளியேறியது.

வெஸ்ட் இண்டீசில் மூன்றாவது "டுவென்டி-20' உலககோப்பை கிரிக்கெட் தொடர் நடக்கிறது. நேற்று நடந்த லீக் போட்டியில், குரூப் "ஏ' பிரிவில் இடம் பெற்ற ஆஸ்திரேலியா, வங்கதேசம் அணிகள் மோதின. டாஸ் ஜெயித்த ஆஸ்திரேலிய அணி பேட்டிங் தேர்வு செய்தது.

விக்கெட் "மடமட': ஆஸ்திரேலிய அணிக்கு வார்னர், வாட்சன் துவக்கம் தந்தனர். வங்கதேச பந்து வீச்சில் அனல் பறந்தது. மொர்டசா வேகத்தில் வாட்சன் (4) சொற்ப ரன்களுக்கு அவுட்டானார். சற்று நேரம் தாக்குப்பிடித்த வார்னர் 16 ரன்களுக்கு (1 சிக்சர், 2 பவுண்டரி) வெளியேறினார். அடுத்து வந்த கேப்டன் மைக்கேல் கிளார்க் (16), ஹாடின் (6), டேவிட் ஹசி (9), ஒயிட் (8) ஆகியோரும் சொதப்ப, 65 ரன்களுக்கு 6 விக்கெட்டுகளை இழந்து தத்தளித்தது ஆஸ்திரேலியா.

மைக்கேல் ஹசி அசத்தல்: பின்னர் களமிறங்கிய மைக்கேல் ஹசி, தனி ஆளாகப் போராடினார். இவருக்கு ஸ்டீவன் ஸ்மித் நல்ல ஒத்துழைப்புக் கொடுக்க, அணியின் ஸ்கோர் உயர்ந்தது. ஸ்மித் 27 ரன்கள் (2 சிக்சர், 1 பவுண்டரி) சேர்த்து வெளியேறினார். இந்த ஜோடி 7 வது விக்கெட்டுக்கு 74 ரன்கள் சேர்த்து அசத்தியது. 20 ஓவர் முடிவில் 7 விக்கெட்டுகளை இழந்த ஆஸ்திரேலிய அணி, 141ரன்கள் எடுத்தது. மைக்கேல் ஹசி 47 (1 சிக்சர், 4 பவுண்டரி) ரன்களுடன் அவுட்டாகாமல் இருந்தார்.

அஷ்ரபுல் ஏமாற்றம்: சற்று கடினமான இலக்கை விரட்டிய வங்கதே அணிக்கு அஷ்ரபுல் (0) மோசமான துவக்கம் தந்தார். பந்து வீச்சில் மிரட்டிய நானஸ், இம்ருல் கெய்ஸ் (0) அப்தாப் (1), மகமதுல்லா (2) ஆகியோரை சொற்ப ரன்களுக்கு அவுட்டாக்கினார்.

சாகிப் ஆறுதல்: சற்று நேரம் தாக்குப் பிடித்த கேப்டன் சாகிப் (28), முஷ்பிகுர் (24) ஆறுதல் அளித்தனர். நயீம் (7) ஏமாற்றினார். பின்வரிசையில் சபியுல் (16), ஜகருல் (18) ஓரளவு ரன் சேர்த்தனர். இருப்பினும் அணியை தோல்வியிலிருந்து மீட்க முடியவில்லை. 18.4 ஓவர் முடிவில் ஆல்-அவுட்டான வங்கதேச அணி 114 ரன்கள் மட்டுமே எடுத்து தோல்வி அடைந்தது.

வங்கதேசம் "அவுட்': குரூப் "ஏ' பிரிவில் இடம் பெற்றிருந்த வங்கதேச அணி, லீக் சுற்றின் இரண்டு போட்டிகளிலும் தோல்வி அடைந்ததன் மூலம், "டுவென்டி-20' உலககோப்பையிலிருந்து வெளியேறியது. இப்பிரிவிலிருந்து ஆஸ்திரேலியா, பாகிஸ்தான் அணிகள் "சூப்பர்-8' சுற்றுக்கு முன்னேறின. நாளை நடக்க உள்ள "சூப்பர்-8' சுற்றுப் போட்டியில் இந்திய அணி, ஆஸ்திரேலியாவை எதிர்கொள்கிறது.

------------

ஸ்கோர் போர்டு

ஆஸ்திரேலியா

வார்னர் (கே) அப்தாப் அகமது (ப) சாகிப் 16 (11)
வாட்சன் (கே) அப்தாப் அகமது (ப) மொர்டசா 4 (7)
கிளார்க் (கே) ஜகருல் (ப) அஷ்ரபுல் 16 (21)
ஹாடின் (கே) சபியுல் (ப) அப்துர் ரசாக் 6 (9)
டேவிட் ஹசி (கே) முஷ்பிகுர் (ப) மொர்டசா 9 (13)
ஒயிட் (ப) சாகிப் 8 (11)
மைக்கேல் ஹசி -அவுட் இல்லை- 47 (29)
ஸ்மித் -ரன் அவுட் (முஷ்பிகுர்) 27 (18)
ஹாரிஸ் -அவுட் இல்லை- 2 (1)
உதிரிகள் 6
மொத்தம் (20 ஓவரில் 7 விக்., இழப்பு) 141
விக்கெட் வீழ்ச்சி: 1-16 (வாட்சன்), 2-21 (வார்னர்), 3-37 (ஹாடின்), 4-52 (மைக்கேல் கிளார்க்), 5-57 (டேவிட் ஹசி), 6-65 (ஒயிட்), 7-139 (ஸ்மித்).
பந்து வீச்சு: மொர்டசா 4-0-28-2, சபியுல் 4-0-34-0, சாகிப் 4-0-24-2, அப்துர் ரசாக் 4-0-29-1, அஷ்ரபுல் 4-0-24-1.

வங்கதேசம்

இம்ருல் கெய்ஸ் (கே) டேவிட் ஹசி (ப) டெய்ட் 0 (6)
அஷ்ரபுல் (கே) டெய்ட் (ப) நானஸ் 0 (3)
அப்தாப் அகமது (கே) வார்னர் (ப) நானஸ் 1 (3)
சாகிப் (கே) மைக்கேல் ஹசி (ப) ஸ்மித் 28 (28)
மகமதுல்லா (கே) மைக்கேல் ஹசி (ப) நானஸ் 2 (3)
முஷ்பிகுர் (கே) மைக்கேல் ஹசி (ப) டேவிட் ஹசி 24 (25)
நயீம் (கே) ஸ்மித் (ப) டேவிட் ஹசி 7 (6)
ஜகருல் (கே) கிளார்க் (ப) நானஸ் 18 (12)
சபியுல் (ப) ஸ்மித் 16 (13)
மொர்டசா (ப) ஹாரிஸ் 6 (5)
அப்துர் ரசாக் -அவுட் இல்லை- 3 (8)
உதிரிகள் 9
மொத்தம் (18.4 ஓவரில் ஆல்-அவுட்) 114
விக்கெட் வீழ்ச்சி: 1-4 (இம்ருல்), 2-4 (அஷ்ரபுல்), 3-13 (அப்தாப் அகமது), 4-15 (மகமதுல்லா), 5-63 (சாகிப்), 6-70 (நயீம்), 7-81 (முஷ்பிகுர்), 8-100 (சபியுல்), 9-106 (ஜகருல்), 10-114 (மொர்டசா).
பந்து வீச்சு: டெய்ட் 4-2-15-1, நானஸ் 4-0-18-4, மைக்கேல் கிளார்க் 1-0-12-0, ஹாரிஸ் 3.4-0-28-1, ஸ்மித் 4-0-29-2, டேவிட் ஹசி 2-0-8-2.

சென்னையில் இந்திய அணி தேர்வு

ஜிம்பாப்வேக்கு எதிரான தொடரில் பங்கேற்கவுள்ள இந்திய அணி வீரர்கள் தேர்வு, வரும் 9ம் தேதி சென்னையில் நடக்கிறது.

இந்திய அணி கடைசியாக, கடந்த 2005-2006ல் ஜிம்பாப்வேக்கு எதிரான டெஸ்ட் தொடரில் பங்கேற்க சென்றது. அதன்பின் ஜிம்பாப்வே அணி, டெஸ்ட் போட்டிகளில் விளையாடவில்லை. இதனிடையே உலக கோப்பை "டுவென்டி-20' தொடர் முடிந்தவுடன் இந்திய அணி, முத்தரப்பு தொடரில் பங்கேற்க, ஜிம்பாப்வே செல்கிறது.

மே 28 முதல் ஜூன் 9 வரை நடக்கும் இதில், மூன்றாவது அணியாக இலங்கை அணி கலந்து கொள்கிறது. லீக் முறையில் ஒவ்வொரு அணியும் மற்ற அணிகளுடன் தலா இரு முறை மோதும். முடிவில் முதல் இரு இடங்களை பிடிக்கும் அணிகள் பைனலில் விளையாடும். போட்டிகள் புலவாயோ மற்றும் ஹராரேயில் நடக்கும்.

அடுத்து ஜூன் 12, 13ம் தேதிகளில் இந்தியா, ஜிம்பாப்வே அணிகள் பங்கேற்கும் இரண்டு "டுவென்டி-20' போட்டி நடக்கிறது. இந்த இரு தொடர்களில் பங்கேற்கவுள்ள, இந்திய வீரர்கள் தேர்வு வரும் 9ம் தேதி சென்னையில் நடக்கிறது.
கைவிடப்பட்டது:

இதனிடையே உலக கோப்பை தொடரில் இந்திய அணியின் செயல்பாடுகளை பார்வையிட, தேர்வுக்குழு உறுப்பினர்கள் சுரேந்திரா பாவ், ராஜா வெங்கட் இருவரையும் வெஸ்ட் இண்டீஸ் அனுப்பும் திட்டத்தை இந்திய கிரிக்கெட் போர்டு (பி.சி.சி.ஐ.,) கைவிட்டுள்ளது. இதுகுறித்து வெளியான செய்தியில்,"" இங்கிலாந்தில் இருந்து செல்வதற்கு சுரேந்திராவுக்கு விசா இல்லை. இதனால் தான் இவர்கள் வெஸ்ட் இண்டீஸ் செல்லவில்லை,'' என, தெரிவிக்கப்பட்டுள்ளது.

ஜெயவர்தனா அதிரடியில் இலங்கை வெற்றி * மழையால் ஆட்டம் பாதிப்பு

ஜெயவர்தனா சதம் அடித்து அசத்த, ஜிம்பாப்வே அணிக்கு எதிரான "டுவென்டி-20' உலககோப்பை லீக் போட்டியில், டக்வொர்த் லீவிஸ் முறைப்படி இலங்கை அணி 14 ரன்கள் வித்தியாசத்தில் வெற்றி பெற்றது.

வெஸ்ட் இண்டீசில் மூன்றாவது "டுவென்டி-20' உலககோப்பை கிரிக்கெட் தொடர் நடக்கிறது. நேற்று நடந்த லீக் போட்டியில், குரூப் "பி' பிரிவில் இடம் பெற்ற இலங்கை, ஜிம்பாப்வே அணிகள் மோதின. டாஸ் ஜெயித்த இலங்கை கேப்டன் சங்ககரா பேட்டிங் தேர்வு செய்தார்.

ஜெயவர்தனா அதிரடி: கட்டாய வெற்றியை எதிர்நோக்கி களமிறங்கிய இலங்கை அணிக்கு, ஜெயவர்தனா அதிரடி துவக்கம் தந்தார். தில்ஷன் (2) சோபிக்க வில்லை. பெரேரா (23) ஆறுதல் அளித்தார்.

சங்ககரா ஏமாற்றம்: பின்னர் களமிறங்கிய கேப்டன் சங்ககரா (3), சண்டிமால் (9), மாத்யூஸ் (4) ஆகியோர் பெரும் ஏமாற்றம் அளித்தனர். ஒரு புறம் விக்கெட்டுகள் விழுந்தாலும், மறுபுறம் அபாரமாக ஆடிய ஜெயவர்தனா "டுவென்டி-20' அரங்கில் முதல் சதம் கடந்தார். இவர் 100 ரன்களுக்கு (4 சிக்சர், 10 பவுண்டரி) வெளியேறினார். 20 ஓவர்கள் முடிவில் 7 விக்கெட்டுகளை இழந்த இலங்கை அணி, 173 ரன்கள் குவித்தது. ஜெயசூர்யா (3), மலிங்கா (2) அவுட்டாகாமல் இருந்தனர்.

மழை பாதிப்பு: சவாலான இலக்கை விரட்டிய ஜிம்பாப்வே அணிக்கு, மசகட்சா, தைபு துவக்கம் தந்தனர். ஒரு ஓவர் மட்டும் வீசப்பட்ட நிலையில், மழை குறுக்கிட்டது. இதனால் சுமார் ஒரு மணி நேரம் ஆட்டம் பாதிக்கப்பட்டது. அதற்குப் பின் துவங்கிய ஆட்டம், டக்-வொர்த் லீவிஸ் முறைக்கு சென்றது. ஜிம்பாப்வே அணியின் வெற்றி இலக்கு, 11 ஓவர்களுக்கு 104 ரன்களாக நிர்ணயிக்கப்பட்டது. ஆனால் 5 ஓவர் முடிவில் ஜிம்பாப்வே அணி ஒரு விக்கெட் இழப்புக்கு 29 ரன்கள் மட்டுமே எடுத்திருந்தது. இந்நிலையில் மீண்டும் மழை குறுக்கிட ஆட்டம் நிறுத்தப்பட்டது. முடிவில் டக்வொர்த் லீவிஸ் முறைப்படி இலங்கை அணி வெற்றி பெற்றதாக அறிவிக்கப்பட்டது. இவ்வெற்றியின் மூலம் உலககோப்பை தொடரில் "சூப்பர்-8' வாய்ப்பை தக்க வைத்துக் கொண்டது இலங்கை அணி.
-------------
நான்காவது வீரர்
நேற்று 100 ரன்கள் எடுத்த ஜெயவர்தனா,"டுவென்டி-20' வரலாற்றில் சதம் கடந்த முதல் இலங்கை வீரரானார். தவிர, சர்வதேச "டுவென்டி-20' அரங்கில் இம்மைல் கல்லை எட்டிய நான்காவது வீரர் என்ற பெருமை பெற்றார். முன்னதாக வெஸ்ட் இண்டீசின் கிறிஸ் கெய்ல் (117 ரன், எதிர்-தென் ஆப்ரிக்கா, 2007), நியூசிலாந்தின் பிரண்டன் மெக்கலம் (116* ரன், எதிர்-ஆஸ்திரேலியா, 2010), இந்தியாவின் ரெய்னா (101, எதிர்-தென் ஆப்ரிக்கா, 2010) ஆகியோர் இச்சாதனை படைத்துள்ளனர். தவிர, உலக கோப்பை "டுவென்டி-20' அரங்கில் இச்சாதனை படைத்த மூன்றாவது வீரர் என்ற பெருமையும் பெற்றார் ஜெயவர்தனா.

---------

ஸ்கோர் போர்டு

இலங்கை

ஜெயவர்தனா (கே) கிரீமர் (ப) பிரைஸ் 100 (64)
தில்ஷன் (கே) மோபு (ப) சிகும்பரா 2 (4)
பெரேரா (கே) சிகும்பரா (ப) லேம்ப் 23 (19)
சங்ககரா (கே) பிரைஸ் (ப) கிரீமர் 3 (7)
சண்டிமால் (கே) மோபு (ப) உட்சேயா 9 (8)
மாத்யூஸ் (கே) எர்வின் (ப) லேம்ப் 4 (6)
கபுகேதரா (கே) மசகட்சா (ப) பிரைஸ் 13 (6)
ஜெயசூர்யா -அவுட் இல்லை- 3 (3)
மலிங்கா -அவுட் இல்லை 2 (3)
உதிரிகள் 14
மொத்தம் (20 ஓவரில் 7 விக்., இழப்பு) 173
விக்கெட் வீழ்ச்சி: 1-24 (தில்ஷன்), 2-80 (பெரேரா), 3-96 (சங்ககரா), 4-113 (சண்டிமால்), 5-138 (மாத்யூஸ்), 6-166 (கபுகேதரா), 7-166 (ஜெயவர்தனா).
பந்து வீச்சு: மோபு 3-0-27-0, பிரைஸ் 4-0-31-2, சிகும்பரா 2-0-21-1, லேம்ப் 4-0-34-2, உட்சேயா 4-0-32-1, கிரீமர் 3-0-23-1.

ஜிம்பாப்வே

மசகட்சா -ரன் அவுட் (ஜெயவர்தனா) 4 (6)
தைபு -அவுட் இல்லை- 12 (13)
டெய்லர் -அவுட் இல்லை- 11 (11)
உதிரிகள் 2
மொத்தம் (5 ஓவரில் 1 விக்., இழப்பு) 29
விக்கெட் வீழ்ச்சி: 1-10 (மசகட்சா).
பந்து வீச்சு: மெண்டிஸ் 2-0-9-0, மலிங்கா 1-0-6-0, ஜெயசூர்யா 1-0-8-0, ரன்திவ் 1-0-6-0.

"சூப்பர் -8' சுற்றில் வெஸ்ட் இண்டீஸ் * இங்கிலாந்து பரிதாபம்

இங்கிலாந்துக்கு எதிரான "டுவென்டி-20' உலககோப்பை லீக் போட்டியில், டக்வொர்த்-லீவிஸ் முறைப்படி 8 விக்கெட் வித்தியாசத்தில், வெஸ்ட் இண்டீஸ் "திரில்' வெற்றி பெற்றது. இவ்வெற்றியின் மூலம் உலககோப்பை தொடரின் "சூப்பர்-8' சுற்றுக்கு முன்னேறியது வெஸ்ட் இண்டீஸ்.

மூன்றாவது "டுவென்டி-20' உலககோப்பை கிரிக்கெட் தொடர் வெஸ்ட் இண்டீசில் நடக்கிறது. நேற்று நடந்த லீக் போட்டியில், குரூப் "டி' பிரிவில் இடம் பெற்ற இங்கிலாந்து, வெஸ்ட் இண்டீஸ் அணிகள் மோதின. டாஸ் ஜெயித்த வெஸ்ட் இண்டீஸ் கேப்டன் கெய்ல் பீல்டிங் தேர்வு செய்தார்.

நல்ல துவக்கம்: முதலில் பேட் செய்த இங்கிலாந்து அணிக்கு மைக்கேல் லம்ப், கீஸ்வெட்டர் ஜோடி நல்ல துவக்கம் தந்தது. லம்ப் 28 ரன்களுக்கு அவுட்டானார். மறுமுனையில் 3 சிக்சர்கள் அடித்த கீஸ்வெட்டர் (26), மில்லர் பந்து வீச்சில் வெளியேறினார். பீட்டர்சன் (24) ஆறுதல் அளித்தார். கோலிங்வுட் (6) ஏமாற்றினார்.

சூப்பர் ஜோடி: பின்னர் களமிறங்கிய மார்கன், லூக் ரைட் ஜோடி அதிரடியாக ஆடி ரன்கள் குவித்தது. "டுவென்டி-20' அரங்கில் 3 வது அரை சதம் கடந்தார் மார்கன். இவர் 55 ரன்களுக்கு (3 பவுண்டரி, 3 சிக்சர்) அவுட்டானார். இந்த ஜோடி 5 வது விக்கெட்டுக்கு 95 ரன்கள் சேர்க்க, 20 ஓவர் முடிவில் 5 விக்கெட்டுகளை இழந்த இங்கிலாந்து அணி, 191 ரன்கள் சேர்த்தது. லூக் ரைட் 45 (4 சிக்சர், 1 பவுண்டரி) அவுட்டாகாமல் இருந்தார்.

கெய்ல் அசத்தல்: கடின இலக்கை விரட்டிய வெஸ்ட் இண்டீஸ் அணிக்கு, கெய்ல் அதிரடி துவக்கம் தந்தார். இவருக்கு சந்தர்பால் நல்ல ஒத்துழைப்பு கொடுத்தார். 2. 2 ஓவர் முடிவில் வெஸ்ட் இண்டீஸ் விக்கெட் இழப்பின்றி 30 ரன்கள் எடுத்திருந்தது. இந்நிலையில் மழை குறுக்கிட ஆட்டம் பாதிப்புக்கு உள்ளானது.
சுமார் 1 மணி 30 நிமிடம் தடைபட்ட ஆட்டம், மீண்டும் துவங்கியது. வெஸ்ட் இண்டீசின் வெற்றிக்கு டக்வொர்த்-லீவிஸ் முறைப்படி, 6 ஓவருக்கு 60 ரன்கள் நிர்ணயிக்கப்பட்டது. இந்நிலையில் சுவான் ஓவரில் கெய்ல் (25) அவுட்டானார். அடுத்து வந்த போலார்டும், டக்-அவுட்டானார்.

திரில் வெற்றி: கடைசி ஓவரில் வெஸ்ட் இண்டீசின் வெற்றிக்கு 8 ரன்கள் தேவைப்பட்டது. பிளட்சர், சந்தர்பால் களத்தில் நின்றனர். முதல் பந்தில் ஒரு ரன் எடுக்கப்பட்டது. இரண்டாவது பந்தில் பிளட்சர் 2 ரன்கள் எடுத்தார். மூன்றாவது பந்தில் ரன் எதுவும் எடுக்கப்பட வில்லை. 4 வது பந்தில் பிளட்சர் பவுண்டரி அடிக்க, வெஸ்ட் இண்டீசுக்கு நெருக்கடி தகர்ந்தது. 5 வது பந்தில் ஒரு ரன் எடுக்கப்பட, 5.5 ஓவர் முடிவில் 2 விக்கெட் இழப்புக்கு 60 ரன்கள் எடுத்து வெஸ்ட் இண்டீஸ் திரில் வெற்றி பெற்றது. பிளட்சர் (12), சந்தர்பால் (15) அவுட்டாகாமல் இருந்தனர்.

---------

ஸ்கோர் போர்டு

இங்கிலாந்து

லம்ப் (ப) கெய்ல் 28 (18)
கீஸ்வெட்டர் எல்.பி.டபிள்யு., (ப) மில்லர் 26 (14)
பீட்டர்சன் (கே) சர்வான் (ப) சமி 24 (20)
கோலிங்வுட் (ப) சமி 6 (8)
மார்கன் (கே) போலார்டு (ப)பிராவோ 55 (35)
லூக் ரைட் -அவுட் இல்லை- 45 (27)
பிரஸ்னன் -அவுட் இல்லை- 0 (0)
உதிரிகள் 7
மொத்தம் (20 ஓவரில் 5 விக்., இழப்பு) 191
விக்கெட் வீழ்ச்சி: 1-36 (லம்ப்), 2-66 (கீஸ்வெட்டர்), 3-81 (கோலிங்வுட்), 4-88 (பீட்டர்சன்), 5-183 (மார்கன்).
பந்து வீச்சு: பென் 3-0-23-0, ராம்பால் 3-0-52-0, கெய்ல் 1-0-11-1, மில்லர் 4-0-29-1, சமி 4-0-22-2, பிராவோ 4-0-36-1, போலார்டு 1-0-16-0.

வெஸ்ட் இண்டீஸ்

கெய்ல் (கே) யார்டி (ப) ஸ்வான் 25 (12)
சந்தர்பால் -அவுட் இல்லை- 15 (13)
போலார்டு (ஸ்டெ) கீஸ்வெட்டர் (ப) ஸ்வான் 0 (1)
பிளட்சர் -அவுட் இல்லை- 12 (10)
உதிரிகள் 8
மொத்தம் (5.5 ஓவரில் 2 விக்., இழப்பு) 60
விக்கெட் வீழ்ச்சி: 1-41 (கெய்ல்), 2-42 (போலார்டு).
பந்து வீச்சு: சைட்பாட்டம் 1-0-15-0, ஸ்வான் 2-0-24-2, பிரஸ்னன் 1-0-7-0, யார்டி 1-0-6-0, பிராட் 0.5-0-8-0.

ஆஸி., அசத்தல் வெற்றி: பாக்., பரிதாபம்

மூன்றாவது "டுவென்டி-20 உலக கோப்பை தொடரை ஆஸ்திரேலிய அணிவெற்றியுடன் துவக்கியுள்ளது. நேற்று நடந்த பாகிஸ்தான் அணிக்கு எதிரான லீக்போட்டியில், ஆஸ்திரேலிய அணி 34 ரன்கள் வித்தியாசத்தில் அசத்தல் வெற்றிபெற்றது.

வெஸ்ட் இண்டீசில், மூன்றாவது "டுவென்டி-20 உலக கோப்பை கிரிக்கெட்தொடர் நடக்கிறது. நேற்று, தொடரின் 6வது லீக் போட்டி செயின் லூசியாவில்நடந்தது. இதில் "ஏ பிரிவில் உள்ள ஆஸ்திரேலியா, பாகிஸ்தான் அணிகள்மோதின.


சூப்பர் துவக்கம்:
"டாஸ் வென்று முதலில் பேட்டிங் செய்த ஆஸ்திரேலிய அணிக்கு வார்னர், வாட்சன் ஜோடி சூப்பர் துவக்கம் அளித்தது. இந்த ஜோடி, முதல் விக்கெட்டுக்கு 51 ரன்கள் சேர்த்த போது வார்னர் (26) அவுட்டானார். அடுத்து வந்த மைக்கேல்கிளார்க் (2) சோபிக்கவில்லை.


வாட்சன் அதிரடி:
பின்னர் இணைந்த வாட்சன், டேவிட் ஹசி ஜோடி பாகிஸ்தான் பந்துவீச்சைபதம்பார்த்தது. இந்த ஜோடி 3வது விக்கெட்டுக்கு 98 ரன்கள் சேர்த்த போது, டேவிட்ஹசி (53) அவுட்டானார். இவருக்கு ஒத்துழைப்பு தந்த வாட்சன் (81) நம்பிக்கைஅளித்தார். அடுத்து வந்த மைக்கேல் ஹசி (17) ஆறுதல் அளித்தார். மற்ற வீரர்கள்ஏமாற்ற ஆஸ்திரேலிய அணி 20 ஓவரில் 191 ரன்களுக்கு ஆல்-அவுட்டானது. பாகிஸ்தான் சார்பில் ஆமர், அஜ்மல் தலா 3 விக்கெட் வீழ்த்தினர்.


"டாப்-ஆர்டர் திணறல்:
சவாலான இலக்கை விரட்டிய பாகிஸ்தான் அணிக்கு கம்ரான் அக்மல் (0), சல்மான் பட் (15), ஹபீஸ் (12), உமர் அக்மல் (18) உள்ளிட்ட "டாப்-ஆர்டர்பேட்ஸ்மேன்கள் திணறல் துவக்கம் கொடுத்தனர். கேப்டன் அப்ரிதி (33), மிஸ்பாஓரளவு நம்பிக்கை அளித்தனர். மற்ற வீரர்கள் ஏமாற்ற பாகிஸ்தான் அணி 20 ஓவரில் 157 ரன்களுக்கு ஆல்-அவுட்டாகி, 34 ரன்கள் வித்தியாசத்தில்தோல்வியடைந்தது. ஆஸ்திரேலியா சார்பில் நான்ஸ், டெய்ட் தலா 3, ஜான்சன் 2 விக்கெட் வீழ்த்தினர். ஆஸ்திரேலிய "ஆல்-ரவுண்டர் வாட்சன் ஆட்டநாயகனாகதேர்வு செய்யப்பட்டார்.


ஒரு ஓவரில் 5 விக்.,
ஆஸ்திரேலிய அணி 19 ஓவரில் 5 விக்கெட்டுக்கு 191 ரன்கள் எடுத்திருந்தது. இந்நிலையில் ஆமர் வீசிய கடைசி ஓவரின் முதல் பந்தில் ஹாடின்(1) வெளியேறினார். இரண்டாவது பந்தில் ஜான்சன் (0), போல்டானார். மூன்றாவதுபந்தில் மைக்கேல் ஹசி (17), ரன்-அவுட்டானார். நான்காவது பந்தில் ஸ்டீவன்ஸ்மித்(0), ரன்-அவுட்டானார். ஐந்தாவது பந்தை எளிதாக தடுத்த டெய்ட்(0), கடைசிபந்தில் போல்டானார். இதனால் ஆஸ்திரேலிய அணி, ஒரு ரன் கூட எடுக்கமுடியாமல் 5 விக்கெட் இழந்து திணறியது.
இதுவே அதிகம்


மூன்றாவது "டுவென்டி-20 உலக கோப்பை தொடரில் இதுவரை நடந்துள்ள 6 லீக்போட்டியின் முடிவில், ஆஸ்திரேலிய அணி அதிகபட்சமாக 20 ஓவரில் 191 ரன்கள் எடுத்துள்ளது. இதனை தொடர்ந்து இந்தியா (186 ரன், எதிர்-தென்ஆப்ரிக்கா), பாகிஸ்தான் (172 ரன், எதிர்-வங்கதேசம்), தென் ஆப்ரிக்கா (172 ரன், எதிர்-இந்தியா) அணிகள் தங்கள் அதிகபட்ச ஸ்கோரை பெற்றன.


ஸ்கோர் போர்டு
ஆஸ்திரேலியா

வார்னர் (கே)உமர் அக்மல் (ப)சமி 26(18)
வாட்சன் எல்.பி.டபிள்யு.,(ப)அஜ்மல் 81(49)
மைக்கேல் கிளார்க் (ப)ஹபீஸ் 2(3)
டேவிட் ஹசி (கே)பவாத் (ப)அஜ்மல் 53(29)
மைக்கேல் ஹசி ரன்-அவுட்(கம்ரான்) 17(8)
ஒயிட் (கே)பவாத் (ப)அஜ்மல் 9(7)
ஹாடின் (கே)சமி (ப)ஆமர் 1(2)
ஜான்சன் (ப)ஆமர் 0(1)
ஸ்மித் ரன்-அவுட்(கம்ரான்) 0(1)
நான்ஸ் -அவுட் இல்லை- 0(1)
டெய்ட் (ப)ஆமர் 0(2)
உதிரிகள் 2
மொத்தம் (20 ஓவரில், ஆல்-அவுட்) 191
விக்கெட் வீழ்ச்சி: 1-51(வார்னர்), 2-64(மைக்கேல் கிளார்க்), 3-162(டேவிட் ஹசி), 4-164(வாட்சன்), 5-181(ஒயிட்), 6-191(ஹாடின்), 7-191(ஜான்சன்), 8-191(மைக்கேல்ஹசி), 9-191(ஸ்மித்), 10-191(டெய்ட்).
பந்துவீச்சு: ஆமர் 4-1-23-3, ஹபீஸ் 4-0-47-1, சமி 4-0-54-1, அப்ரிதி 4-0-33-0, அஜ்மல்


பாகிஸ்தான்

கம்ரான் (கே)ஸ்மித் (ப)நான்ஸ் 0(1)
சல்மான் பட் (கே)டேவிட் ஹசி (ப)டெய்ட் 15(10)
ஹபீஸ் (கே)மைக்கேல் ஹசி (ப)ஜான்சன் 12(14)
உமர் அக்மல் (கே)மைக்கேல் ஹசி (ப)ஸ்மித் 18(14)
மிஸ்பா (கே)மைக்கேல் கிளார்க் (ப)நான்ஸ் 41(31)
அப்ரிதி (ப)டெய்ட் 33(24)
ரசாக் (கே)வார்னர் (ப)நான்ஸ் 1(2)
பவாத் (கே)மைக்கேல் கிளார்க் (ப)ஜான்சன் 16(11)
ஆமர் (கே)ஸ்மித் (ப)டேவிட் ஹசி 2(3)
சமி -அவுட் இல்லை- 5(5)
அஜ்மல் (ப)டெய்ட் 4(6)
உதிரிகள் 10
மொத்தம் (20 ஓவரில், ஆல்-அவுட்) 157
விக்கெட் வீழ்ச்சி: 1-1(கம்ரான்), 2-28(சல்மான் பட்), 3-34(ஹபீஸ்), 4-70(உமர்அக்மல்), 5-117(அப்ரிதி), 6-120(ரசாக்), 7-132(மிஸ்பா), 8-148(ஆமர்), 9-151(பவாத்), 10-157(அஜ்மல்).
பந்துவீச்சு: நான்ஸ் 4-0-41-3, டெய்ட் 4-0-20-3, ஜான்சன் 4-0-21-2, வாட்சன் 3-0-24-0, டேவிட் ஹசி 2-0-12-1, மைக்கேல் கிளார்க் 1-0-14-0, ஸ்மித் 2-0-24-1. (41) 40-0-34-3.

இந்தியா வெற்றி

சுரேஷ் ரெய்னா சாதனை சதம் விளாச, இந்திய அணி, தென் ஆப்ரிக்காவை 14 ரன்கள் வித்தியாசத்தில் வீழ்த்தியது. இதன் மூலம் "டுவென்டி-20' உலக கோப்பை தொடரின் "சூப்பர்-8' சுற்றுக்கு முதல் அணியாக இந்தியா முன்னேறியது.
வெஸ்ட் இண்டீசில் "டுவென்டி-20' உலக கோப்பை தொடர் நடக்கிறது. நேற்று செயின்ட் லூசியாவில் நடந்த "சி' பிரிவு லீக் போட்டியில் இந்தியா, தென் ஆப்ரிக்க அணிகள் மோதின.


காம்பிர் இல்லை:
இந்திய அணியில் வயிற்றுப்போக்கு காரணமாக காம்பிர் இடம் பெறவில்லை. இவருக்கு பதில் தினேஷ் கார்த்திக் வாய்ப்பு பெற்றார். ஜாகிர் கான் நீக்கப்பட்டு, பியுஸ் சாவ்லா இடம் பெற்றார். டாஸ் வென்ற தென் ஆப்ரிக்க கேப்டன் ஸ்மித், பீல்டிங் தேர்வு செய்தார்.


விஜய் ஏமாற்றம்:
இந்திய அணிக்கு துவக்கத்தில் "ஷாக்' காத்திருந்தது. கிளெய்ன்வெல்ட் வீசிய முதல் ஓவரில் முரளி விஜய் "டக்' அவுட்டானார். பின் ஸ்டைன், மார்கல் மிக துல்லியமாக பந்துவீச ரன் வறட்சி ஏற்பட்டது. தினேஷ் கார்த்திக் 16 ரன்களுக்கு காலிஸ் பந்தில் வீழ்ந்தார். ஒருகட்டத்தில் 9 ஓவரில் 56 ரன்களுக்கு 2 விக்கெட் எடுத்து தவித்தது.


யுவராஜ் நம்பிக்கை:
இதற்கு பின் சுரேஷ் ரெய்னா, யுவராஜ் இணைந்து ஆட்டத்தின் போக்கை மாற்றினர். மெர்வி, ஆல்பி மார்கல் பந்துகளில் தலா ஒரு சிக்சர் அடித்தார் யுவராஜ். மறுபக்கம் காலிஸ் பந்தை சிக்சருக்கு விரட்டினார் ரெய்னா. இருவரும் ரன் மழை பொழிய, ஸ்கோர் படுவேகமாக உயர்ந்தது. ஐ.பி.எல்., பைனலில் சென்னை கிங்ஸ் அணிக்காக சூப்பராக ஆடிய ரெய்னா, தனது அசத்தல் ஆட்டத்தை தொடர்ந்தார். இவர் 42 பந்துகளில் அரைசதம் எட்டினார். 3வது விக்கெட்டுக்கு 88 ரன்கள் சேர்த்த நிலையில், யுவராஜ் 37 ரன்களுக்கு வெளியேறினார்.


ஒரே ஓவரில் 25 ரன்
கிளெயன்வெல்ட் வீசிய 18வது ஓவரின் முதல் பந்தில் யூசுப் பதான் ஒரு சிக்சர் அடித்தார். அடுத்த பந்தில் ஒரு ரன் எடுத்தார். பின் "ஹாட்ரிக்' பவுண்டரி அடித்த ரெய்னா, கடைசி பந்தில் ஒரு இமாலய சிக்சர் அடிக்க, மொத்தம் 25 ரன் எடுக்கப்பட்டது. யூசுப் 11 ரன்கள் எடுத்தார்.


அதிரடி சதம்:
பின் ஆல்பி மார்கல் பந்தில் இன்னொரு இமாலய சிக்சர்(90 மீ.,) அடித்த ரெய்னா, சதம் கடந்து அசத்தினார். அடுத்த பந்தையும் அவசரப்பட்டு தூக்கி அடித்த இவர் 101 ரன்களுக்கு(60 பந்து, 9 பவுண்டரி, 5 சிக்சர்) அவுட்டானார். பின் கேப்டன் தோனி ஒரு சிக்சர் அடிக்க, கடைசி 5 ஓவரில் 75 ரன் எடுக்கப்பட்டது. இந்திய அணி 20 ஓவரில் 5 விக்கெட்டுக்கு 186 ரன்கள் குவித்தது. தோனி(16) அவுட்டாகாமல் இருந்தார்.


திணறல் ஆட்டம்:
கடின இலக்கை விரட்டிய தென் ஆப்ரிக்க அணி, இந்திய பந்துவீச்சில் திணறியது. நெஹ்ரா, பிரவீண் குமார் துல்லியமாக பந்துவீச, சுலபமாக ரன் எடுக்க முடியவில்லை. யூசுப் பதான் சுழலில் போஸ்மென்(8) சிக்கினார். போராடிய காலிஸ், ஹர்பஜன் சுழலில் அடுத்தடுத்து இரண்டு சிக்சர் அடித்தார். பின் ரவிந்திர ஜடேஜா பந்திலும் சிக்சர் அடித்தார். கேப்டன் ஸ்மித்(36) ரன் அவுட்டானார். காலிஸ் 73 ரன்களுக்கு சாவ்லா பந்தில் அவுட்டாக, நம்பிக்கை தகர்ந்தது.


நெஹ்ரா காயம்:
கடைசி ஓவரில் 24 ரன்கள் எடுத்தால் வெற்றி என்ற நிலை ஏற்பட்டது. நெஹ்ரா அசத்தலாக பந்துவீசினார். 3வது பந்தை பீல்டிங் செய்த போது நெஹ்ராவுக்கு "அந்த' இடத்தில் அடிபட, வலியால் துடித்து கீழே விழுந்தார். பின் சுதாரித்துக் கொண்ட இவர் கட்டுக் கோப்பாக பந்துவீச, தென் ஆப்ரிக்க அணி 20 ஓவரில் 5 விக்கெட்டுக்கு 172 ரன்கள் மட்டும் எடுத்து தோல்வி அடைந்தது.
லீக் சுற்றில் ஏற்கனவே ஆப்கானிஸ்தானை வீழ்த்திய இந்திய அணி இரண்டாவது வெற்றியை பதிவு செய்தது. மொத்தம் 4 புள்ளிகளுடன் "சூப்பர்-8' சுற்றுக்கு தகுதி பெற்றது. ஆட்ட நாயகன் விருதை ரெய்னா தட்டிச் சென்றார்.

மூன்றாவது வீரர்

நேற்று 101 ரன்கள் எடுத்த சுரேஷ் ரெய்னா, சர்வதேச "டுவென்டி-20' வரலாற்றில் சதம் கடந்த முதல் இந்திய வீரரானார். முன்னதாக காம்பிர் 75 ரன்கள்(எதிர், பாக்., 2007) எடுத்திருந்தார்.
* சர்வதேச "டுவென்டி-20' வரலாற்றில் இம்மைல்கல்லை எட்டிய மூன்றாவது வீரர் என்ற பெருமை பெற்றார். முன்னதாக வெஸ்ட் இண்டீசின் கிறிஸ் கெய்ல் (117 ரன், எதிர்-தென் ஆப்ரிக்கா, 2007), நியூசிலாந்தின் பிரண்டன் மெக்கலம் (116* ரன், எதிர்-ஆஸ்திரேலியா, 2010) இச்சாதனை படைத்திருந்தனர்.
* தவிர, "டுவென்டி-20' உலக கோப்பை கிரிக்கெட் அரங்கில் சதம் கடந்த முதல் இந்தியர் என்ற மேலும் ஒரு புதிய சாதனை படைத்தார். முன்னதாக காம்பிர் (75) அதிகபட்ச ஸ்கோரை பெற்றிருந்தார். இதேபோல <உலக கோப்பை அரங்கில் இச்சாதனை படைத்த இரண்டாவது வீரர் என்ற பெருமையும் பெற்றார். முன்னதாக வெஸ்ட் இண்டீசின் கெய்ல் (117) இச்சாதனை படைத்தார்.
* இதன்மூலம் ரெய்னா, சர்வதேச "டுவென்டி-20' கிரிக்கெட் அரங்கில் தனது அதிகபட்ச ஸ்கோரை பதிவு செய்தார். முன்னதாக கடந்த 2009ல் கிறைஸ்ட்சர்ச்சில் நடந்த நியூசிலாந்துக்கு எதிரான போட்டியில் 61 ரன்கள் எடுத்தார்.

மூன்றாவது அதிகம்

தென் ஆப்ரிக்காவுக்கு எதிராக 186 ரன்கள் குவித்த இந்திய அணி, "டுவென்டி-20' உலக கோப்பை அரங்கில், தனது மூன்றாவது அதிகபட்ச ஸ்கோரை பெற்றது. முன்னதாக இந்திய அணி 218 (எதிர்-இங்கிலாந்து, 2007), 188 (எதிர்-ஆஸ்திரேலியா, 2007) ரன்கள் எடுத்தது.

உற்சாகம் தந்த சதம்

சதம் கடந்தது குறித்து சுரேஷ் ரெய்னா கூறுகையில், ""சர்வதேச "டுவென்டி-20' அரங்கில் முதன்முறையாக சதமடித்தது மகிழ்ச்சி அளிக்கிறது. இதற்கு சகவீரர் யுவராஜ் சிங், நல்ல ஒத்துழைப்பு தந்தார். ஐ.பி.எல்., தொடரை அடுத்து, உலக கோப்பை தொடரிலும் 3வது வீரராக களமிறங்கி அசத்தி வருவது உற்சாகம் அளிக்கிறது. தொடர்ந்து பேட்டிங்கில் அதிரடி காட்டும் பட்சத்தில், மேலும் பல சதம் கடந்து சாதிக்க முடியும்,'' என்றார்.

ஸ்கோர் போர்டு
இந்தியா

கார்த்திக்(கே)ஸ்மித்(ப)காலிஸ் 16(17)
விஜய்(கே)பவுச்சர்(ப)கிளெய்ன்வெல்ட் 0(1)
ரெய்னா(கே)டிவிலியர்ஸ்(ப)ஆல்பி மார்கல் 101(60)
யுவராஜ்(கே)ஸ்மித்(ப)கிளெய்ன்வெல்ட் 37(30)
யூசுப் பதான்(கே)மெர்வி(ப)ஸ்டைன் 11(7)
தோனி-அவுட் இல்லை- 16(6)
ஹர்பஜன்- அவுட் இல்லை- 0(0)
உதிரிகள் 5
மொத்தம் (20 ஒவரில் 5 விக்.,) 186
விக்கெட் வீழ்ச்சி: 1-4(விஜய்), 2-32(கார்த்திக்), 3-120(யுவராஜ்), 4-163(யூசுப் பதான்), 5-178(ரெய்னா).
பந்து வீச்சு: கிளெய்ன்வெல்ட் 4-0-48-2, ஸ்டைன் 4-0-24-1, மார்னே மார்கல் 4-0-32-0, ஆல்பி மார்கல் 3-0-39-1, காலிஸ் 4-0-30-1, மெர்வி 1-0-13-0.

தென் ஆப்ரிக்கா

காலிஸ்(கே)ஜடேஜா(ப)சாவ்லா 73(54)
போஸ்மென்(கே)சாவ்லா(ப)யூசுப் பதான் 8(14)
ஸ்மித்--ரன் அவுட்(பிரவீண்/தோனி) 36(28)
டிவிலியர்ஸ்(கே)சாவ்லா(ப)நெஹ்ரா 31(15)
ஆல்பி மார்கல்(கே)ஹர்பஜன்(ப)யூசுப் 12(7)
பவுச்சர்-அவுட் இல்லை- 4(2)
டுமினி-அவுட் இல்லை- 4(1)
உதிரிகள் 4
மொத்தம் (20 ஓவரில் 5 விக்.,) 172
விக்கெட் வீழ்ச்சி: 1-21(போஸ்மென்), 2-118(ஸ்மித்), 3-128(காலிஸ்), 4-152(ஆல்பி மார்கல்), 5-167(டிவிலியர்ஸ்).
பந்து வீச்சு: ஹர்பஜன் 4-0-33-0, பிரவீண் 1-0-3-0, நெஹ்ரா 4-0-27-1, யூசுப் பதான் 4-0-42-2, பியுஸ் சாவ்லா 3-0-27-1, ஜடேஜா 4-0-37-0.

போராடி வென்றது பாக்.,

வங்கதேசத்துக்கு எதிரான "டுவென்டி-20' உலககோப்பை லீக் போட்டியில், 21 ரன்கள் வித்தியாசத்தில் போராடி வென்றது பாகிஸ்தான்.

வெஸ்ட் இண்டீசில் நடக்கும் மூன்றாவது

"டுவென்டி-20' உலககோப்பை தொடரின் நேற்றைய லீக் போட்டியில் குரூப் "ஏ' பிரிவில் இடம் பெற்ற, பாகிஸ்தான், வங்கதேச அணிகள் மோதின. "டாஸ்' ஜெயித்த பாகிஸ்தான் அணி கேப்டன் அப்ரிதி, பேட்டிங் தேர்வு செய்தார்.

சூப்பர் ஜோடி:பாகிஸ்தான் அணிக்கு சல்மான் பட், கம்ரான் அக்மல் ஜோடி அபார துவக்கம் தந்தது. வங்கதேச பந்து வீச்சை விளாசித் தள்ளிய இந்த ஜோடி, விரைவாக ரன்கள் குவித்தது. "டுவென்டி-20' அரங்கில் கம்ரான் 4, சல்மான் பட் 2 வது அரை சதம் கடந்தனர். முதல் விக்கெட்டுக்கு இந்த ஜோடி 142 ரன்கள் எடுத்திருந்த நிலையில், சாகிப் சுழலில் கம்ரான் அவுட்டானார். கம்ரான் 73 ரன்கள் (8 பவுண்டரி, 1 சிக்சர்) சேர்த்தார். அடுத்து வந்த கேப்டன் அப்ரிதி (9) ஏமாற்றினார். மறுமுனையில் சல்மான் பட் 73 ரன்களுக்கு (8 பவுண்டரி 2 சிக்சர்) அவுட்டானார். 20 ஓவர் முடிவில் 3 விக்கெட்டுகளை இழந்த பாகிஸ்தான் அணி, 172 ரன்கள் குவித்தது.

அஷ்ரபுல் அதிரடி: சவாலான இலக்கை விரட்டிய வங்கதேச அணி, இம்ருல் (0), தமிம் (19) விக்கெட்டுகளை விரைவில் இழந்தது. பின்னர் களமிறங்கிய அஷ்ரபுல் அதிரடியில் அசத்தினார். இவருக்கு சாகிப் நல்ல ஒத்துழைப்புக் கொடுக்க, ரன் வேகம் அதிகரித்தது. சாகிப் 47 ரன்களுக்கு (3 பவுண்டரி, 2 சிக்சர்) அவுட்டானார். மகமதுல்லா (0) சொதப்பினார். மறுமுனையில் அரை சதம் கடந்தார் அஷ்ரபுல். தொடர்ந்து மிரட்டிய இவர், 65 ரன்களுக்கு (3 சிக்சர், 4 பவுண்டரி) அவுட்டாக, வங்கதேசத்துக்கு சிக்கல் ஏற்பட்டது. பின் வரிசையில் முஷ்பிகுர் (4), மொர்டசா (1) ஏமாற்ற, 20 ஓவர் முடிவில் 7 விக்கெட்டுகளை இழந்த வங்கதேச அணி, 151 ரன்கள் எடுத்து தோல்வி அடைந்தது. பாகிஸ்தான் தரப்பில் சமி 3, ஆமர் 2 விக்கெட் வீழ்த்தினர்.
-------

ஸ்கோர் போர்டு

பாகிஸ்தான்

கம்ரான் அக்மல் (கே) அப்துர் (ப) சாகிப் 73 (55)
சல்மான் பட் (ப) சபியுல் 73 (46)
அப்ரிதி (கே) மகமதுல்லா (ப) சாகிப் 9 (9)
அப்துல் ரசாக் -அவுட் இல்லை- 6 (5)
மிஸ்பா -அவுட் இல்லை- 8 (5)
உதிரிகள் 3
மொத்தம் (20 ஓவரில் 3 விக்., இழப்பு) 172
விக்கெட் வீழ்ச்சி: 1-142 (கம்ரான்), 2-156 (அப்ரிதி), 3-158 (சல்மான் பட்).
பந்து வீச்சு: மொர்டசா 4-0-39-0, அப்துர் 4-0-41-0, சபியுல் 4-0-25-1, நயீம் 2-0-18-0, சாகிப் 4-0-27-2, சுவோ 1-0-12-0, அஷ்ரபுல் 1-0-8-0.

வங்கதேசம்

தமிம் இக்பால் (கே) + (ப) ஹபீஸ் 19 (18)
இம்ருல் (கே) மிஸ்பா (ப) ஆமர் 0 (2)
அஷ்ரபுல் (கே) கம்ரான் (ப) ஆமர் 65 (49)
சாகிப் (கே) உமர் (ப) சமி 47 (31)
மகமதுல்லா (கே) ஆமர் (ப) சமி 0 (3)
நயீம் --அவுட் இல்லை- 10 (9)
முஷ்பிகர் (கே) அஜ்மல் (ப) சமி 4 (3)
மொர்டசா (ஸ்டெ) கம்ரான் (ப) அஜ்மல் 1 (3)
சுவோ -அவுட் இல்லை- 1 (3)
உதிரிகள் 4
மொத்தம் (20 ஓவரில் 7 விக்., இழப்பு) 151
விக்கெட் வீழ்ச்சி: 1-1 (இம்ருல்), 2-31 (தமிம்), 3-122 (சாகிப்), 4-123 (மகமதுல்லா), 5-140 (அஷ்ரபுல்), 6-145 (முஷ்பிகர்), 7-150 (மொர்டசா).
பந்து வீச்சு: ஆமர் 4-0-16-2, சமி 4-0-29-3, ஹபீஸ் 3-0-28-1, அப்துல் ரசாக் 2-0-23-0, அஜ்மல் 3-0-18-1, அப்ரிதி 4-0-37-0.

இந்திய அணி திணறல் வெற்றி! * ஆப்கன் துணிச்சல் ஆட்டம்

"டுவென்டி-20' உலககோப்பை லீக் போட்டியில் இந்திய அணி, ஆப்கானிஸ்தானை 7 விக்கெட் வித்தியாசத்தில் வீழ்த்தியது. இப்போட்டியில், அனுபவமில்லாத ஆப்கானிஸ்தான் வீரர்கள் துணிச்சலாக போராடினர். சுலப வெற்றி பெற வேண்டிய இந்திய அணி ஆரம்பத்தில் இருந்து கடைசி வரை தடுமாறியது, ரசிகர்களுக்கு ஏமாற்றம் அளித்தது.

வெஸ்ட் இண்டீசில் மூன்றாவது "டுவென்டி-20' உலககோப்பை கிரிக்கெட் தொடர் நடக்கிறது. நேற்று நடந்த லீக் போட்டியில், குரூப் "சி' பிரிவில் இடம் பெற்ற இந்தியா, ஆப்கானிஸ்தான் அணிகள் மோதின. "டாஸ்' ஜெயித்த இந்திய கேப்டன் தோனி, பீல்டிங் தேர்வு செய்தார்.

நெஹ்ரா அசத்தல்: முதலில் பேட் செய்த ஆப்கானிஸ்தான் அணிக்கு, நூர் அலி, கரீம் சாதிக் துவக்கம் தந்தனர். நெஹ்ரா வேகத்தில் மிரட்டினார். இவரது துல்லியமான பந்து வீச்சில் கரீம், டக்-அவுட்டானார். தொடர்ந்து மிரட்டியா நெஹ்ரா, முகமது ஷாஜத்தையும் (6) வெளியேற்றி நம்பிக்கை அளித்தார். அடுத்து வந்த ஆப்கானிஸ்தான் கேப்டன் மங்கல் (5) ஏமாற்றினார்.

நூர் அலி அசத்தல்: பின்னர் களமிறங்கிய அஸ்கர், நூர் அலியுடன் இணைந்தார். இந்த ஜோடி இந்திய பந்து வீச்சை சுலபமாக சமாளித்தது. பொறுப்புடன் ஆடிய நூர் அலி, "டுவென்டி-20' அரங்கில் முதல் அரை சதம் பதிவு செய்தார். இவர் 50 ரன்களுக்கு (4 பவுண்டரி) அவுட்டானார்.

பறிபோன "ஹாட்ரிக்': மூன்று சிக்சருடன் அதிரடி காட்டிய அஸ்கர் (30), பிரவீணிடம் விக்கெட்டை பறிகொடுத்தார். அடுத்த பந்திலேயே முகமது நபியை (0) அவுட்டாக்க, பிரவீண் குமாருக்கு "ஹாட்ரிக்' விக்கெட் வாய்ப்பு காத்திருந்தது. ஆனால் அடுத்து வந்த ஹமீத் ஹசன் கவனமாக ஆட, வாய்ப்பு பறிபோனது. பின்வரிசையில் சமியுல்லா (7), ஹமித் ஹசன் (6) சொற்ப ரன்களுக்கு வெளியேற, 20 ஓவர் முடிவில் 8 விக்கெட்டுகளை இழந்த ஆப்கானிஸ்தான் அணி, 115 ரன்கள் எடுத்தது. இந்தியா தரப்பில் நெஹ்ரா 3, பிரவீண் 2 விக்கெட் வீழ்த்தினர்.

காம்பிர் ஏமாற்றம்: எளிய இலக்கை விரட்டிய இந்திய அணிக்கு, காம்பிர் ஏமாற்றம் அளித்தார். இவர் வெறும் 4 ரன்களுக்கு பெவிலியன் திரும்பினார். அடுத்து வந்த ரெய்னா நீண்ட நேரம் நிலைக்க வில்லை. இவர் 18 ரன்களுக்கு (1 பவுண்டரி, 1 சிக்சர்) அவுட்டானார்.

விஜய் அசத்தல்: பின்னர் விஜய்-யுவராஜ் இணைந்து நிதானமாக ஆடினர். 3 சிக்சர், 2 பவுண்டரிகளுடன் 48 ரன்கள் சேர்த்த விஜய், அரை சதம் அடிக்கும் வாய்ப்பை நழுவ விட்டார்.

தோனி அதிரடி: பின்னர் களமிறங்கிய இந்திய கேப்டன் தோனி, மங்கல் வீசிய ஆட்டத்தின் 15 வது ஓவரில் அடுத்தடுத்து இரண்டு சிக்சர்களை விளாசினார். 14. 5 வது ஓவரில் 3 விக்கெட்டுகளை இழந்த இந்திய அணி, 116 ரன்கள் சேர்த்து வெற்றி பெற்றது. தோனி (15), யுவராஜ் (23) அவுட்டாகாமல் இருந்தனர். ஆட்ட நாயகன் விருதை நெஹ்ரா கைப்பற்றினார். இவ்வெற்றியின் மூலம் இந்தியா 2 புள்ளிகள் பெற்றது.
--------

சாதனை சமன்
ஆப்கானிஸ்தானுக்கு எதிரான நேற்றைய போட்டியில், இந்திய விக்கெட் கீப்பர் தோனி, 4 "கேட்ச்' பிடித்து அசத்தினார். இதன் மூலம் "டுவென்டி-20' உலககோப்பை அரங்கில், அதிக விக்கெட் வீழ்ச்சிக்கு காரணமான விக்கெட் கீப்பர் என்ற சாதனையை ஆஸ்திரேலியாவின் கில்கிறிஸ்ட் (எதிர்-ஜிம்ப்பாப்வே), இங்கிலாந்தின் பிரயர் (எதிர்-தென் ஆப்ரிக்கா), பாகிஸ்தானின் கம்ரான் அக்மல் (எதிர்-நெதர்லாந்து), அயர்லாந்தின் நெயில் ஓ பிரைன் (எதிர்-இலங்கை) ஆகியோருடன் பகிர்ந்து கொண்டார்.

--------

ஸ்கோர் போர்டு

ஆப்கானிஸ்தான்

நூர் அலி (கே) தோனி (ப) நெஹ்ரா 50 (48)
கரீம் சாதிக் (கே) தோனி (ப) நெஹ்ரா 0 (4)
ஷாஜத் (கே) தோனி (ப) நெஹ்ரா 6 (5)
மங்கல் (கே) காம்பிர் (ப) ஜடேஜா 5 (11)
அஸ்கர் (கே) ஜாகிர் (ப) பிரவீண் 30 (33)
நபி (கே) தோனி (ப) பிரவீண் 0 (3)
அமட்சாய் -அவுட் இல்லை- 5 (5)
சமியுல்லா -ரன் அவுட்(ஜடேஜா) 7 (6)
ஹமித் (கே) நெஹ்ரா (ப) ஜாகிர் 6 (5)
ஷபூர் -அவுட் இல்லை- 0 (0)
உதிரிகள் 6
மொத்தம் (20 ஓவரில் 8 விக்., இழப்பு) 115
விக்கெட் வீழ்ச்சி: 1-6 (கரீம் சாதிக்), 2-22 (ஷாஜத்), 3-29 (மங்கல்), 4-97 (நூர் அலி), 5-97 (அஸ்கர்), 6-97 (முகமது நபி), 7-107 (சமியுல்லா), 8-114 (ஹமித்).
பந்து வீச்சு: பிரவீண் 3-0-14-2, நெஹ்ரா 4-0-19-3, ஜாகிர் 3-0-24-1, ஜடேஜா 4-1-15-1. யுவராஜ் 1-0-4-0, ஹர்பஜன் 4-0-24-0, யூசுப் பதான் 1-0-12-0.

இந்தியா

காம்பிர் (கே) நபி (ப) அமட்சாய் 4 (6)
முரளி விஜய் (கே) ஜட்ரான் (ப) ஹமித் 48 (46)
ரெய்னா எல்.பி.டபிள்யு., (ப) சமியுல்லா 18 (13)
யுவராஜ் -அவுட் இல்லை- 23 (22)
தோனி -அவுட் இல்லை- 15 (6)
உதிரிகள் 8
மொத்தம் (14. 5 ஓவரில் 3 விக்., இழப்பு) 116
விக்கெட் வீழ்ச்சி: 1-19 (காம்பிர்), 2-46 (ரெய்னா), 3-101 (விஜய்).
பந்து வீச்சு: அமட்சாய் 2-0-21-1, ஜட்ரான் 2-0-6-0, நபி 3-0-33-0, சமியுல்லா 2-0-11-1, கரீம் 2-0-22-0, ஹமித் 3-0-8-1, மங்கல் 0.5-0-14-0.

'டுவென்டி-20' உலக கோப்பை கிரிக்கெட் : நியூசிலாந்து, வெஸ்ட் இண்டீஸ் வெற்றி

இலங்கை அணிக்கு எதிரான, 'டுவென்டி-20' உலக கோப்பை லீக் போட்டியில் நியூசிலாந்து அணி 2 விக்கெட் வித்தியாசத்தில் திரில் வெற்றி பெற்றது. பந்துவீச்சில் சோபிக்கத்தவறிய இலங்கை அணி, பரிதாபமாக தோல்வியடைந்தது. வெஸ்ட் இண்டீசில், மூன்றாவது 'டுவென்டி-20' உலக கோப்பை கிரிக்கெட் தொடர் நேற்று துவங்கியது. இதன் முதல் லீக் போட்டி, கயானாவில் உள்ள புரோவிடன்ஸ் மைதானத்தில் நேற்று நடந்தது. இதில் 'பி' பிரிவில் உள்ள சங்ககரா தலைமையிலான இலங்கை அணி, வெட்டோரியின் நியூசிலாந்து அணியை சந்தித்தது. 'டாஸ்' வென்ற இலங்கை அணி கேப்டன் சங்ககரா, பேட்டிங் தேர்வு செய்தார்.

ஜெயவர்தனா அபாரம்: முதலில் பேட்டிங் செய்த இலங்கை அணிக்கு, தில்ஷன் (3) மோசமான துவக்கம் அளித்தார். அடுத்து வந்த கேப்டன் சங்ககரா (4) ஏமாற்றினார். பின்னர் இணைந்த மகிலா ஜெயவர்தனா, தினேஷ் சண்டிமால் ஜோடி பொறுப்பான ஆட்டத்தை வெளிப்படுத்தியது. அபாரமாக ஆடிய ஜெயவர்தனா, சர்வதேச 'டுவென்டி-20' அரங்கில் தனது 3வது அரைசதமடித்தார். இந்த ஜோடி மூன்றாவது விக்கெட்டுக்கு 59 ரன்கள் சேர்த்த போது, சண்டிமால் (29) அவுட்டானார். தொடர்ந்து அதிரடி காட்டிய ஜெயவர்தனா, 51 பந்தில் 81 ரன்கள் (2 சிக்சர், 8 பவுண்டரி) எடுத்து வெளியேறினார். பின்னர் களமிறங்கிய கபுகேதிரா (11), மாத்யூஸ் (3) சோபிக்கவில்லை. இலங்கை அணி 20 ஓவரில் 6 விக்கெட்டுக்கு 135 ரன்கள் எடுத்தது. நியூசிலாந்து அணி சார்பில் ஷேன் பாண்டு 2, நாதன் மெக்கலம், டிம் சவுத்தி, ஜேக்கப் ஓரம், ஸ்டைரிஸ் தலா ஒரு விக்கெட் வீழ்த்தினர்.

ரைடர் நம்பிக்கை: எட்டக்கூடிய இலக்கை விரட்டிய நியூசிலாந்து அணிக்கு, பிரண்டன் மெக்கலம் 'டக்-அவுட்டாகி' சொதப்பினார். பின்னர் இணைந்த ஜெசி ரைடர், மார்டின் கப்டில் ஜோடி பொறுப்பான ஆட்டத்தை வெளிப்படுத்தியது. இந்த ஜோடி 2வது விக்கெட்டுக்கு 62 ரன்கள் சேர்த்த போது ரைடர் (42), முரளிதரன் சுழலில் சிக்கினார். இவருக்கு ஒத்துழைப்பு தந்த கப்டில் 19 ரன்கள் எடுத்து அவுட்டானார். அடுத்து வந்த ரோஸ் டெய்லர் (9), ஸ்டைரிஸ் (17), ஜேக்கப் ஓரம் (15), ஹோப்கின்ஸ் (1) நீண்டநேரம் நிலைக்கவில்லை.

திரில் வெற்றி: கடைசி ஓவரில் 10 ரன்கள் தேவைப்பட்ட நிலையில், முதலிரண்டு பந்தில் நாதன் மெக்கலம், வெட்டோரி தலா ஒரு ரன் எடுத்தனர். மூன்றாவது பந்தில் நாதன் மெக்கலம் ஒரு பவுண்டரி அடிக்க, கடைசி மூன்று பந்தில் 4 ரன்கள் தேவைப்பட்டது. நான்காவது பந்தில், இரண்டு ரன்களுக்கு ஆசைப்பட்ட வெட்டோரி (17), ரன்-அவுட்டானார். கடைசி இரண்டு பந்தில் 3 ரன்கள் தேவைப்பட்ட நிலையில், நாதன் மெக்கலம் சிக்சர் அடித்து வெற்றியை உறுதி செய்தார். நியூசிலாந்து அணி 19.5 ஓவரில் 8 விக்கெட்டுக்கு 139 ரன்கள் எடுத்து, 2 விக்கெட் வித்தியாசத்தில் வெற்றி பெற்றது. நாதன் மெக்கலம் ஆட்டநாயகனாக தேர்வு செய்யப்பட்டார்.

வெஸ்ட் இண்டீஸ் - அயர்லாந்து போட்டி

கயானா : உலககோப்பை டுவென்டி20 கிரிக்கெட் தொடர் வெஸ்ட் இண்டீசில் துவங்கியுள்ளது. தொடரின் முதல் போட்டியில் இலங்கையை 2 விக்கெட் வித்தியாசத்தில் வீழ்த்தி, நியூசிலாந்து அணி முதல் வெற்றியை பதிவு செய்தது. 2வது போட்டியில் வெஸ்ட் இண்டீஸ் அணியும், அயர்லாந்து அணியும் மோதுகின்றன. டாஸ் ஜெயித்த வெஸ்ட் இண்டீஸ் அணி பேட்டிங்கை தேர்வு செய்துள்ளது. வெஸ்ட் இண்டீஸ் அணி நிர்ணயிக்கப்பட்ட 20 ஓவரில் 9 விக்கெட் இழப்பிற்கு 138 ரன்கள் எடுத்தது. 139 ரன்களை வெற்றி இலக்காக கொண்டு களமிறங்கிய அயர்லாந்து அணி, அணி 16.4 ஓவரில் அனைத்து விக்கெட்களையும் இழந்து 68 ரன்களில் ஆல் அவுட் ஆனது. இதனையடுத்து 70 ரன்கள் வித்தியாசத்தில் வெஸ்ட் இண்டீஸ் அணி வெற்றி பெற்றது. ஆட்ட நாயகனாக வெஸ்ட் இண்டீஸ் வீரர் ஷம்மி தேர்ந்தெடுக்கப்பட்டார்.