தமிழகத்தில் ஒரு லட்சத்து 84 ஆயிரம் பேருக்கு எய்ட்ஸ் நோய் உள்ளது கண்டறியப்பட்டுள்ளது. தமிழகத்தில் எய்ட்ஸ் நோய் பரவுவதை தடுக்க விழிப்புணர்வு ஏற்படுத்துதல், எய்ட்ஸ் நோயாளிகள் மீது கவனம் செலுத்துதல் போன்ற பணிகளில், ‘தமிழ்நாடு எய்ட்ஸ் கட்டுப்பாட்டு மையம்‘ ஈடுபட்டுள்ளது. டிசம்பர் 1ம் தேதி, உலக எய்ட்ஸ் தினத்தையொட்டி இந்த மையம் வெளியிட்ட அறிக்கையில் கூறப்பட்டுள்ளதாவது:தமிழகத்தில் 2 ஆண்டுக்கு ஒரு முறை எய்ட்ஸ் நோயாளிகள் எண்ணிக்கை கணக்கெடுக்கப்படுகிறது. கடந்த 2007ம் ஆண்டு கணக்கெடுப்புப்படி, தமிழகத்தில் ஒரு லட்சத்து 84 ஆயிரம் எய்ட்ஸ் நோயாளிகள் உள்ளனர்.கோவையில் 6 ஆயிரம் பேர் உள்ளனர். அதே சமயம், எச்.ஐ.வி தடுப்பு, சிகிச்சை, ஆதரவு மற்றும் பராமரிப்பு சேவை வழங்குவதில் தமிழகம் முன்மாதிரியாக உள்ளது. சென்டினல் கணக்கெடுப்பு, மத்திய சுகாதார துறையின் கணக்கெடுப்பு தகவலின்படி தமிழ்நாட்டில் எச்.ஐ.வி. தாக்கத்தின் அளவு 2001ம் ஆண்டு 1.13 சதவீதமாக இருந்தது.
இது, 2007ம் ஆண்டு 0.25 சதவீதமாக குறைந்துள்ளது. தமிழக அரசின் தொடர் தடுப்பு பணிகளே இதற்கு காரணம்.
இளைஞர்களிடையே எய்ட்ஸ் தடுப்பு விழிப்புணர்வு ஏற்படுத்துவதற்காக 986 கல்லூரிகளில் செஞ்சுருள் சங்கம் அமைக்கப்பட்டுள்ளது. இதில், 57 ஆயிரம் மாணவர்கள் சேர்ந்துள்ளனர்.
இளைஞர்களிடையே எய்ட்ஸ் தடுப்பு விழிப்புணர்வு ஏற்படுத்துவதற்காக 986 கல்லூரிகளில் செஞ்சுருள் சங்கம் அமைக்கப்பட்டுள்ளது. இதில், 57 ஆயிரம் மாணவர்கள் சேர்ந்துள்ளனர்.
எச்.ஐ.வி. உள்ளவர்களுக்கு சிகிச்சை அளிப்பதற்காக மாநிலம் முழுவதும் 36 ஏ.ஆர்.டி மையங்கள் உள்ளன. இவற்றில், கடந்த அக்டோபர் கணக்குப்படி 38,390 பேர் தொடர் சிகிச்சை பெற்று வருகின்றனர். இவ்வாறு அறிக்கையில் கூறப்பட்டுள்ளது.
0 comments:
Post a Comment