பிரணாப் பயணத்தில் பயனில்லை : பாஜக

மத்திய நிதியமைச்சர் பிரணாப் முகர்ஜியின் கொழும்பு பயணம் இலங்கை தமிழர்கள் பிரச்சனையை தீர்க்க உதவாது என்று பாஜக மூத்த தலைவர் வெங்கையா நாயுடு கூறியுள்ளார்.இதுகுறித்து சென்னை விமான நிலையத்தில் செய்தியாளர்களிடம் பேசிய அவர், மத்திய நிதி அமைச்சர் பிரணாப் முகர்ஜி அவசரமாக கொழும்பு விரைந்துள்ளார். அவரது கொழும்பு பயணத்தால் இலங்கை தமிழர்களுக்கு எந்த பிரச்சûனையும் தீர்ந்து விடப்போவதில்லை. இலங்கை தமிழர்களுக்கு இலங்கை அரசு சலுகைகளையும், வாழ்வாதாரங்களையும் வழங்க போவதில்லை. இந்திய அரசும் அதைப் பெற்றுத் தரப்போவதில்லை. இலங்கை தமிழர்களின் பிரச்சினைக்கு தீர்வு காணும் வகையில் தமிழக எம்பிக்கள் குழு இலங்கைக்கு சென்று திரும்பியது. இந்த குழுவால் இலங்கை தமிழர்களுக்கு எந்த நன்மையும் கிடைக்கவில்லை. வெறும் அறிக்கைகளை சமர்ப்பித்ததோடு அவர்கள் வேலை முடிந்துவிட்டது. இப்போதுள்ள மத்திய, மாநில அரசுகளால் இலங்கைத் தமிழர்களுக்கு எந்த நன்மையும் ஏற்பட்டதும் இல்லை. ஏற்படபோவதும் இல்லை. இலங்கைத் தமிழர் பிரச்சினைகளுக்காக வருகிற பாராளுமன்ற கூட்டத்தில் பாஜக நிச்சயம் குரல் கொடுக்கும் என்றார்.