திருநாவுக்கரசர் காங்கிரசில் இணைந்தார்

முன்னாள் மத்திய அமைச்சர் திருநாவுக்கரசர், தற்போது டெல்லி மேல்-சபை எம்.பி.யாக பதவி வகித்து வருகிறார். இன்று அவர் பா.ஜ. கட்சியில் இருந்து விலகினார்.

டெல்லி மேல் சபை எம்.பி. பதவியையும் ராஜினாமா செய்த அவர், மத்திய சுகாதாரத்துறை மந்திரியும், காங்கிரஸ் கட்சியின் தமிழக பொறுப்பாளருமான குலாம் நபி ஆசாத் முன்னிலையில் காங்கிரஸ் கட்சியில் இணைந்தார்.
டெல்லியில் உள்ள காங்கிரஸ் கட்சியின் தலைமை அலுவலகத்தில் நடைபெற்ற பத்திரிகையாளர்கள் சந்திப்பு நிகழ்ச்சியின்போது, மத்திய மந்திரி குலாம்நபி ஆசாத் இந்த தகவலை அதிகாரபூர்வமாக அறிவித்தார்.